საზოგადოება

ზაზა შათირიშვილი: ივანიშვილის საქმით ამერიკელები ორ კურდღელს იჭერენ – ერთი მხრივ, ივანიშვილს აშანტაჟებენ, ხოლო, მეორე მხრივ, შვეიცარიის საბანკო სისტემას ანგრევენ

Nusagi

ვაგრძელებ ბიძინა ივანიშვილსა და „კრედიტ სუისს“ შორის განვითარებული მოვლენებისთვის თვალყურის მიდევნებას და ვხედავ, რომ ჩნდება ახალი ფაქტები, რომლებიც ჩემს მიერ თავიდანვე გამოთქმულ ვერსიას კიდევ უფრო ამყარებს, – ამის შესახებ ფილოსოფოსმა ზაზა შათირიშვილმა ისაუბრა.

მისი თქმით ივანიშვილის საქმით ამერიკელები ერთი მხრივ, ივანიშვილს აშანტაჟებენ, ხოლო, მეორე მხრივ, შვეიცარიის საბანკო სისტემას ანგრევენ

„როგორც ვიცით, ბიძინა ივანიშვილის ადვოკატების ძალისხმევით, „კრედიტ სუისის“ შესახებ საერთაშორისო მედიაში უამრავი კრიტიკული სტატია გამოქვეყნდა. თუმცა, ამ სტატიებზე ბანკის მენეჯმენტს არავითარი რეაქცია არ ჰქონდა და ისინი თვითდაზიანების რეჟიმში აგრძელებდნენ მოქმედებას.
სწორედ ამიტომ, ივანიშვილის ადვოკატებმა ტაქტიკა შეცვალეს და საერთაშორისო მედიაში სხვა შინაარსის სტატიების გამოქვეყნება გადაწყვიტეს, რომლის ადრესატები შვეიცარიის პარლამენტი და საბანკო სისტემის მარეგულირებელი სახელმწიფო ორგანოები იყვნენ. ამ სტატიებს შვეიცარიელი პოლიტიკოსების, ჩინოვნიკებისა და საზოგადოების ყურადღება უნდა მიეპყრო იმ ზიანზე, რომელსაც „კრედიტ სუისის“ მენეჯმენტი შვეიცარიის საბანკო სისტემას და სახელმწიფოს აყენებდა. მაგრამ აქ კიდევ ერთხელ გამოჩნდა უხილავი ხელი, რომელმაც უკლებლივ ყველა სტატია ერთიანად დაბლოკა. დაბლოკვის მთავარი მიზეზი კი ის არის, რომ ამ შემთხვევაში ივანიშვილის ადვოკატებმა არა ბანკის, როგორც ასეთის, არამედ მისი მენეჯმენტის მიმართ გამოთქვეს საფუძვლიანი ეჭვები.

გამოსაქვეყნებელ სტატიებში განვითარებული ლოგიკის მიხედვით, ბანკის მენეჯმენტი მიზანმიმართულად ანგრევს „კრედიტ სუისს“ და შვეიცარიის საბანკო სისტემას და ამით უმძიმეს ზიანს აყენებს შვეიცარიის სახელმწიფო ინტერესებს. სწორედ ამ სქემის საზოგადოების სამსჯავროზე გამოტანის შეეშინდათ იმ ძალებს, რომლებიც ბანკის მენეჯმენტს აკონტროლებენ. მათ შეეშინდათ აჟიოტაჟის, რომელიც ამ სკანდალურ ინფორმაციას შვეიცარიულ საზოგადოებაში შეიძლება გამოეწვია.

ამერიკა რომ შვეიცარიის საბანკო სისტემას აკონტროლებს, ამაზე წინა წერილებში არაერთგზის მქონდა საუბარი. მედიაზე და განსაკუთრებით, წამყვან ევროპულ მედიასაშუალებებზეც რომ ექნებოდათ სერიოზული გავლენა, ამაშიც დარწმუნებული ვიყავი. თუმცა, საერთაშორისო მედიაზე სრული კონტროლი თუ ჰქონდათ დამყარებული, აქამდე ნამდვილად არ მეგონა. აღმოჩნდა, რომ როგორც 2012 წლამდე აკონტროლებდნენ სრულად ქართულ მედიას სააკაშვილის მეშვეობით, ზუსტად ასევე სრულად აკონტროლებენ ისინი დღეს ევროპულ მედიასაც.

რომ შევაჯამო, გასაგებია, რაშიც არის საქმე – „კრედიტ სუისის“ კრიტიკა ამერიკელებისთვის არათუ შემაშფოთებელი არ იყო, არამედ, პირიქით, სწორედ მათ ინტერესებს ემსახურებოდა. როგორც ადრეც ვთქვი, ივანიშვილის საქმით ამერიკელები ორ კურდღელს იჭერენ – ერთი მხრივ, ივანიშვილს აშანტაჟებენ, ხოლო, მეორე მხრივ, შვეიცარიის საბანკო სისტემას ანგრევენ. ამ კუთხით, ივანიშვილის ადვოკატების მიერ გამოქვეყნებული სტატიები ამერიკის ინტერესებს პირდაპირ ესადაგებოდა. მაგრამ ადვოკატებმა როგორც კი გადაწყვიტეს, აქცენტი არა „კრედიტ სუისზე“, არამედ ამერიკელების მიერ დანიშნულ მის მენეჯმენტზე გადაეტანათ და ის თვითდაზიანებაში ემხილათ, მაშინვე ყველა სტატია დაიბლოკა.

აქედან მტკიცდება, რომ ბიძინა ივანიშვილის ადვოკატებმა სწორად მიაგნეს პრობლემის მთავარ წყაროს. თუმცა, რამდენად იქნება ეს მიგნება საკმარისი პრობლემის გადასაჭრელად, რთული სათქმელია. საქართველოს ომში ჩართვისა და შვეიცარიის საბანკო სისტემის დანგრევის მიზნები იმდენად დიადია, რომ ამერიკელებმა ამ მიზნებისგან კიდევ დიდხანს შეიძლება არ დაიხიონ უკან“, – აცხადებს შათირიშვილი.

Facebook Comments Box

ავტორის შესახებ

Info Postalioni

AD

Nusagi

ტოპ პოსტები

კატეგორიები

ნახვები

  • 5,931,862 ნახვა
%d bloggers like this: