პოლიტიკა

ირაკლი რუხაძე: გაგახსენებთ, რომ სააკაშვილი პირველად რუსეთში ჩავიდა როცა პრეზიდენტი გახდა და მერეც ხშირად ჩადიოდა

Nusagi

მიხეილ სააკაშვილი პირველად რუსეთში ჩავიდა როცა პრეზიდენტი გახდა და მერეც ხშირად ჩადიოდა. 2004 წელს, როდესაც ჩვენ ოსეთში შევედით, ამაზე რატომღაც არავინ საუბრობს, მას შემდეგ მთელი ეს ურთიერთობა რუსეთთან ჩაიშალა. – ამის შესახებ ტელეკომპანია “იმედის” მფლობელმა, ირაკლი რუხაძემ გადაცემაში „ნოესთან“ ისაუბრა.

მისი თქმით, კავშირები ნებისმიერ შემთხვევაში საჭიროა, იქნება ეს ოპოზიციური თუ ნეგატიური ძალა.

„რა თქმა უნდა, ჩვენ უნდა გვქონოდა კავშირები რუსეთთან და უნდა გვქონდეს. მით უმეტეს ყველა კვლევა აჩვენებს, რომ საქართველოს გამოკითხული მოქალაქეების 80%-ს მიაჩნია, რომ რუსეთთან ჩვენ უნდა გვქონდეს ურთიერთობა. შეუძლებელია, რომ ურთიერთობა არ გქონდეს შენს ცხოვრებაში მთავარ ძალასთან, იქნება ეს პოზიტიური ძალა თუ ნეგატიური ძალა. შენი მეზობელია, გაქვს უამრავი კავშირი. ამიტომ ასე დავიწყება, რომ თითქოს ის არ არსებობს, არავინ შევხვდეთ, არავის ველაპარაკოთ, არ გამოდის. მეზობელი, რომელიც დღესაც კი არის ჩვენი მთავარი სავაჭრო პარტნიორი. ექსპორტი, რომელიც ჩვენთვის მთავარია და გვინდა, რომ ექსპორტზე ორიენტირებული ქვეყანა გავხდეთ, ყველაზე დიდი საექსპორტო პარტნიორები არიან ჩინეთი და რუსეთი.

ქვეყნები, რომლებსაც რუსეთი აკონტროლებს და მის ორბიტაში არიან, არიან დაახლოებით ერთი მესამედი ჩვენი ექსპორტის. ტურიზმი, რომელიც ძალიან მნიშვნელოვანია, გადმორიცხული თანხები, თუ არ ვცდები მილიონამდე საქართველოდან წასული ცხოვრობს რუსეთში. იმათი გზავნილები არის ძალიან მნიშვნელოვანი, ისევე, როგორც ტურიზმი. რუსი მეტს ხარჯავს ერთ სულ ტურისტზე, ვიდრე სხვა ქვეყნიდან ჩამოსული. ეკონომიკურად ძალიან მნიშვნელოვანია. ამ ომმა შეიძლება რაღაცები შეცვალოს, მაგრამ მის ხელშია ის, რაც ახლა ხდება სამაჩაბლოში და აფხაზეთში, ახლო მომავალში მის გარეშე ამის გადაწყვეტაც შეუძლებელია.

გაგახსენებთ, რომ სააკაშვილი პირველი რუსეთში ჩავიდა როცა პრეზიდენტი გახდა და მერეც ხშირად ჩადიოდა. 2004 წელს, როდესაც ჩვენ ოსეთში შევედით, ამაზე რატომღაც არავინ საუბრობს, მას შემდეგ მთელი ეს ურთიერთობა რუსეთთან ჩაიშალა. იმის შემდეგ ჩვენ რუსეთთან ფაქტობრივად ურთიერთობა არ გვაქვს. უცებ სააკაშვილი გამოაცხადებდა, რომ მეტი ტურისტი უნდა მოგვეზიდა, ხვდებოდა საზღვარზე, რა კარგია რომ ჩამოხვედითო და მთელ კომპანიებს რუსეთში ურიგებდა…“, – განაცხადა ირაკლი რუხაძემ.

Facebook Comments Box

ავტორის შესახებ

Info Postalioni

AD

Nusagi

ტოპ პოსტები

კატეგორიები

ნახვები

  • 6,205,198 ნახვა
%d bloggers like this: