რუსეთის ხელისუფლებამ შესაძლოა დამატებითი მობილიზაცია 15 იანვარს გამოაცხადოს. ამის შესახებ უკრაინის თავდაცვის სამინისტროს მთავარი სადაზვერვო სამმართველოს წარმომადგენელმა ანდრეი ჩერნიაკმა განაცხადა.
მისივე თქმით, ამჯერად მოსკოვისა და სანკტ-პეტერბურგის მცხოვრებლებს გაიწვევენ.
„რუსეთის შეიარაღებულ ძალებში მიიღებენ კაცებს, რომლებიც ახლა როგორც სოციალურ სფეროებში, ასევე ინდუსტრიებში მუშაობენ“, – აცხადებს დაზვერვის წარმომადგენელი.
მობილიზაცია რუსეთში – ის, რაც ცნობილია
2022 წლის 21 სექტემბერს რუსეთის პრეზიდენტმა ვლადიმერ პუტინმა ნაწილობრივი მობილიზაცია გამოაცხადა. თავდაცვის მინისტრის სერგეი შოიგუს თქმით, მათ დაგეგმეს დაახლოებით 300 ათასი ადამიანის მობილიზება.
მობილიზაციის გამოცხადების შემდეგ რუსეთის ფედერაცია 1 მილიონამდე ადამიანმა დატოვა.
Facebook Comments Box
