„რამდენიმე გაცვეთილი ევროპარლამენტარის მხრიდან, ახალი გზავნილები წამოვიდა. ქართველი ხალხი იმსახურებს კანდიდატის სტატუსს და არა ხელისუფლებაო. გარდა იმისა, რომ ეს განცხადება ამორალური და სპეკულაციურია, ამასთანავე გონიერებისგანაც ძალიან შორს დგას. სინამდვილეში ხალხის და მთავრობის ერთმანეთისგან გამიჯვნის უაზრო რიტორიკა შარშანდელი უსამართლობის გადაფარვას ემსახურება,“ – წერს ექსპერტი ანდრია გვიდიანი სოციალურ ქსელში.
როგორც გვიდიანი აღნიშნავს, ხალხის და იმავე ხალხის მიერ არჩეული მთავრობის ერთმანეთისგან გამიჯვნა იდიოტიზმთან ერთად სახიფათო ტენდენციაა, რაც ახალისებს პოლარიზაციას და ხელს უწყობს ნიჰილიზმის დანერგვას.
„რამდენიმე გაცვეთილი ევროპარლამენტარის მხრიდან, ახალი გზავნილები წამოვიდა. ქართველი ხალხი იმსახურებს კანდიდატის სტატუსს და არა ხელისუფლებაო. გარდა იმისა, რომ ეს განცხადება ამორალური და სპეკულაციურია, ამასთანავე გონიერებისგანაც ძალიან შორს დგას. სინამდვილეში ხალხის და მთავრობის ერთმანეთისგან გამიჯვნის უაზრო რიტორიკა შარშანდელი უსამართლობის გადაფარვას ემსახურება. მოდით ლოგიკას მივყვეთ რომელი მთავრობა არ იმსახურებს?! – რომელმაც ევროკავშირთან გააფორმა ასოცირების შეთანხმება, რომელმაც მოიპოვა თავისუფალი ვაჭრობის ხელშეკრულება, რომელმაც მიიღო ვიზალიბერალიზაცია, რომელმაც უამრავი რეფორმა გაატარა ევროკავშირის კანონმდებლობასთან ჰარმონიცაზიის კუთხით? ხელისუფლება, რომელმაც ამ ქვეყნის ისტორიაში ყველაზე მეტი ნაბიჯი გადადგა ევროპასთან დაახლოების კუთხით, არ იმსახურებს კანდიდატის სტატუსს?! მთავრობა რომ გვერდზე გადავდოთ და მათ ლოგიკას მივყვეთ, ხალხი იმსახურებსო რომ ამბობენ, იგივე ქართველი ხალხი არ იმსახურებდა შარშან კანდიდატის სტატუსს? ცხადია – იმსახურებდა!
მაგრამ, უსამართლო და პოლიტიკურად მოტივირებული გადაწყვეტილება მიიღო მაშინ ევროკავშირმა და ამის აღიარება ძალიან უჭირთ. ზუსტად ამიტომ არის ხალხის და მთავრობის ერთმანეთისგან გამიჯვნა ფარისევლობა. გარდა ალოგიკურობისა, ხალხის და იმავე ხალხის მიერ არჩეული მთავრობის ერთმანეთისგან გამიჯვნა იდიოტიზმთან ერთად სახიფათო ტენდენციაა, რაც ახალისებს პოლარიზაციას და ხელს უწყობს ნიჰილიზმის დანერგვას. ამიტომ, ზოგიერთ ევროპარლამენტარს ვურჩევ იყვნენ სამართლიანები, მიხედონ თავიანთ საქმეს და თავი დაანებონ ანტი ქართული საქმის კეთებას,“ – წერს გვიდიანი ფეისბუკზე.
ცნობისთვის, 15 მარტს ევროპარლამენტართა ნაწილმა საქართველოს ხელისუფლების მიმართ კრიტიკული განცხადებები გააკეთა. მათ შორის, რაინჰარდ ბუტიკოფერმა განაცხადა, რომ „ქართული ოცნება“ იქცა ქართულ კოშმარად.
„ეს ე.წ. „ქართული ოცნება“, იქცა „ქართულ კოშმარად“. სწორედ ამიტომ, უნდა შევიმუშაოთ სხვადასხვა პირობები, სანქციები და უნდა ვიბრძოლოთ სააკაშვილის გასათავსიუფლებლად“, – განაცხადა ბუტიკოფერმა.
კიდევ ერთმა ევროპარლამენტარმა, თიის როიტენმა კი ტრიბუნიდან აღნიშნა:
„მოდი, პირდაპირ ვთქვათ, როგორცაა – ეს არის პრორუსული მთავრობა, რომელიც იმეორებს რუსეთის პროპაგანდას, რათა დაიცვას რუსული კანონი“.
მარკეტა გრეგოროვამ კი საქართველოს ხელისუფლება ევროპარლამენტარების მისამართით სიტყვიერი თავდასხმების გამო გააკრიტიკა.
„თქვენ მონდომებული ხართ, რომ მიიღოთ კანდიდატის სტატუსი, ყველაფერს აკეთებთ ჩვენთან დაახლოებისთვის, მაგრამ თან, ყოველ ნაბიჯზე ქვას გვესვრით. ასე რომ, თუ ევროკავშირთან დაახლოება იმისთვის გსურთ, რომ ახლო მანძილიდან გვესროლოთ ქვები, არა მგონია, თანახმა ვიყოთ. აირჩიეთ მხარე, ანაც, ჩვენი სახით უკვე აღარ გექნებათ არჩევანი“, – მიმართა ხელისუფლებას გრეგოროვამ.