უცხოური მედია

ისრაელის პრემიერმა მინისტრებს ამერიკულ მხარესთან შეხვედრა აუკრძალა, სანამ თეთრ სახლში არ მიიწვევენ – მედია

ისრაელის პრემიერ მინისტრმა ბენიამინ ნეთანიაჰუმ გუშინ, მინისტრთა კაბინეტის წევრებს მიუთითა, აღარ გაემართათ შეხვედრები აშშ-ის ოფიციალურ პირებთან. ამის შესახებ ინფორმაციას ადგილობრივი მედიასაშუალება Channel 12 ავრცელებს.

„ნეთანიაჰუმ ყველა მინისტრს მიუთითა, აშშ-ის მთავრობის ოფიციალურ წარმომადგენლებთან შეხვედრისთვის თავი იქამდე აერიდებინათ, სანამ მას თეთრს სახლში არ მიიწვევს ჯო ბაიდენი“, – აღნიშნავს Channel 12.

არსებული ინფორმაციით, ისრაელის პრემიერი შეშფოთებულია იმ ფაქტით, რომ თეთრ სახლს ჯერ კიდევ არ მიუწვევია ის ვაშინგტონში იმის მიუხედავად, რომ მისი მთავრობის ჩამოყალიბებიდან უკვე სამი თვეა გასული.

აღსანიშნავია, რომ რამდენიმე დღის წინ, აშშ-ის თავდაცვის მდივანმა ლოიდ ოსტინმა ხაზი გაუსვა, რომ აუცილებელია ისრაელსა და პალესტინას შორის ესკალაციის განმუხტვა და რამადანის თვის წინ, სიმშვიდის აღდგენა. 

შეგახსენებთ, ისრაელში სასამართლო რეფორმის წინააღმდეგ მასობრივი დემონსტრაციები გრძელდება.

Facebook Comments Box

ავტორის შესახებ

Info Postalioni

ტოპ პოსტები

კატეგორიები

ნახვები

  • 7,690,571 ნახვა
%d bloggers like this: