ლეგენდარული კომენტატორი ჯამლეტ ხუხაშვილი 78 წლის ასაკში გარდაიცვალა. ინფორმაცია ამის შესახებ საქართველოს ბიოგრაფიული ლექსიკონის ვებგვერდზე გამოქვეყნდა.
ჯამლეტ ხუხაშვილი 1964 წლიდან საქართველოს ტელე-რადიო კომიტეტის სპორტული კომენტატორი იყო, ხოლო 1975 წლიდან პარალელურად „მოამბის“ სპორტული მიმომხილველი. 1990 წელს ის პროგრამა „ალიონის“ მიმომხილველი გახდა.
1980-1992 წლებში მუშაობდა: საქართველოს ტელევიზიაში, რადიოში, ტელეკომპანია „იმედში“, სპორტულ რადიოში „ჯაკო“; იყო საზოგადოება „დინამოს“ მწვრთნელი.
2004 წელს დასახელდა საუკეთესო სპორტულ კომენტატორად, 2014 წელს კი ჯამლეტ ხუხაშვილს ბრწყინვალების საპრეზიდენტო ორდენი გადაეცა.
Facebook Comments Box
