თბილისში, „აბრეშუმის გალერეაში“ ქართველი მხატვრების ნამუშევრების გამოფენა „შემოქმედებით გზა“ გაიმართება, რომელშიც 150-მდე მხატვარი მიიღებს მონაწილეობას.
გამოფენა გაზაფხულს ეძღვნება და ორ ეტაპად ჩატარდება . პირველი ეტაპი 17-19 მაისს, მეორე კი, 21-23 მაისს გაიმართება. როგორც გამოფენის ორგანიზატორი, „არტ მეგობრების“ დამფუძნებელი სოფია ქიზიყურაშვილი ამბობს, ნამუშევართა სიმრავლის გამო, ღონისძიება 2 ნაწილად გაიყო და მნახველებს 6 დღის განმავლობაში, სხვადასხვა მხატვრების მიერ, სხვადასხვა თემატიკაზე შექმნილი 150-მდე ახალი ნამუშევრის დათვალიერების საშუალება ექნებათ. მისივე თქმით, მსგავსი გამოფენები წლის განმავლობაში, სეზონურად გაიმართება. .
გამოფენა 17 მაისს, 17:00 საათზე გაიხსნება.
Facebook Comments Box
