ექსპერტი ლევან ნიკოლეიშვილი „კოკა-კოლა ბოთლერს ჯორჯიას“ სამეთვალყურეო საბჭოს წევრის სოფო ჭყონიას „ფეისბუქ“ სტატუსს ეხმიანება, რომელიც საქართველოს რუსეთის პროვინციად მოიხსენიებს. ექსპერტი ჭყონიას უსინდისოს უწოდებს და აღნიშნავს, რომ ძველ ფოტოს აქვეყნებს, რითაც ხალხი შეცდომაში შეჰყავს.
„სოფო ჭყონიას მივმართავ და რადგან ვერ ვთაგავ, იქნებ გადასცეთ ვინმემ: პირველი იმიტომ ხარ უსინდისო, რომ ძველ ფოტოს ავრცელებ და ხალხი შეგყავს შეცდომაში. მეორე კიდევ იმიტომ ხარ უსინდისო, რომ მამაშენის ქართული „კოკა-კოლა“ რომ შედის რუსეთში ეგ კარგია და როცა მანქანაა აქ რუსული მაშინ ვართ პროვინცია? უსინდისო ხარ, მოკლედ და კონკრეტულად.“- წერს ლევან ნიკოლეიშვილი სოციალურ ქსელში.
ცნობისთვის, სოფო ჭყონია „კოკა-კოლა ბოთლერს ჯორჯიას“ მფლობელის, თემურ ჭყონიას ქალიშვილია. მან სოციალურ ქსელში ფოტო გამოაქვეყნა წარწერით „ბათუმი! საქართველო რუსეთის პროვინციაა“.
