„თბილისი პრაიდი“ – ფესტივალის მონაწილეებს ტერიტორიის დატოვება მოუწიათ

მოგვიწია ტერიტორიის დატოვება, – ამის შესახებ „თბილისის პრაიდის“ განცხადებაშია აღნიშნული.

როგორც განცხადებაშია ნათქვამია, ტერიტორია სამარშრუტო ტაქსების გამოყენებით დატოვეს.

„მოგვიწია ტერიტორიის დატოვება. სამართალდამცველებმა ვერ შეძლეს ტერიტორიის დაცვა. განხორციელდა ევაკუაცია სამარშრუტო ტაქსებით“, – აღნიშნულია განცხადებაში.

მანამდე „ლისი ვანდერლენდის“ მიმართულებით „პრაიდის ფესტივალის“ მოწინააღმდეგეები მსვლელობით მეტროსადგურ „ვაჟა-ფშაველადან“ დაიძრნენ.