🇺🇸ამერიკის შეერთებული შტატების პრეზიდენტმა მოუწოდა ამომრჩევლებს, ხმა მისცენ დამოუკიდებელ კანდიდატს, ენდრიუ კუომოს, ნიუ-იორკის მერის არჩევნებში, რათა თავიდან აიცილონ ზოჰრან მამდანის გამარჯვება, რომელსაც ტრამპი კომუნისტად მოიხსენიებს. წინააღმდეგ შემთხვევაში, ტრამპი ქალაქისთვის სახელმწიფო დაფინანსების შემცირებას გეგმავს.
„უკიდურესად ნაკლებად სავარაუდოა, რომ ფედერალურ სახსრებს გამოვყოფ, გარდა ყველაზე აუცილებელი მინიმუმისა… კომუნისტის მმართველობის პირობებში ყველაფერი მხოლოდ გაუარესდება, და მე არ მსურს კარგი ფული დავხარჯო ცუდ პროექტებზე,“ — დაწერა ტრამპმა “Truth Social”-ზე.
ტრამპმა განმარტა, რომ 34 წლის მამდანს, შტატის ყოფილი გუბერნატორის, კუომოსგან განსხვავებით, არანაირი გამოცდილება არ გააჩნია. მისი თქმით, მამდანის მერობის პირობებში ნიუ-იორკს არ ექნება „წარმატების, ან თუნდაც გადარჩენის არანაირი შანსი“:
„მირჩევნია, გაიმარჯვოს დემოკრატმა, რომელსაც წარმატებული ისტორია აქვს, ვიდრე კომუნისტმა, რომელიც გამოუცდელია და სრული და აბსოლუტური კრახის მქონეა,“ — განაცხადა პრეზიდენტმა.
