უშა ვენსის ფოტოებმა, რომელიც მელანია ტრამპთან ერთად ჩრდილოეთ კაროლინის სამხედრო ბაზას ეწვია, ქსელში აჟიოტაჟი გამოიწვია. სოციალური ქსელის მომხმარებლებმა მეორე ლედის ირგვლივ მომხდარი ცვლილების განხილვა დაიწყეს — ის საზოგადოებაში საქორწინო ბეჭდის გარეშე გამოჩნდა და ბედნიერად იღიმოდა.
ამან გააძლიერა ვიცე-პრეზიდენტის შესაძლო განქორწინების შესახებ გავრცელებული ჭორები, რომლებიც მას შემდეგ აგორდა, რაც მან იმედი გამოთქვა, რომ მისი მეუღლე ქრისტიანობას მიიღებდა, ასევე ჩარლი კირკის ქვრივ ერიკასთან მისი საჯარო თბილი ჩახუტების შემდეგ. გარდა ამისა, ბევრმა ყურადღება მიაქცია იმ ფაქტს, რომ უშა დაღლილი და დათრგუნული ჩანდა.
„ნუთუ მას იმის თქმა უნდოდა, რომ ჯეი დის ტოვებს?… ეს განცხადების გაკეთების ერთ-ერთი საშუალებაა“, — მსჯელობენ კომენტატორები.
საბოლოოდ, საჭირო გახდა მეორე ლედის პრესმდივნის ჩარევა. ჟურნალ People-ისთვის მიცემულ კომენტარში ნათქვამია, რომ უშა სამი პატარა ბავშვის დედაა, რომელიც „ბევრ ჭურჭელს რეცხავს და ზოგჯერ ავიწყდება ბეჭედი“. თუმცა, ამან რეაქციების ახალი ტალღა გამოიწვია: „განა მას ჭურჭლის სარეცხი მანქანა არ აქვს? ყველაზე აბსურდული საბაბია“, — წერენ ქსელში.
