ტრამპმა მოლაპარაკებების შემდეგი ეტაპისთვის სპეციალური წარმომადგენლები მოსკოვსა და კიევში გაგზავნა

დონალდ ტრამპის განცხადებით, რომელიც მან Truth Social-ზე გამოაქვეყნა, სპეციალური წარმომადგენელი სტივ უიტკოფი (Steve Witkoff) მოსკოვში ვლადიმერ პუტინს შეხვდება, ხოლო არმიის მინისტრი დენ დრისკოლი (Dan Driscoll) მოლაპარაკებებს უკრაინულ მხარესთან გამართავს.

ტრამპმა აღნიშნა “უზარმაზარი პროგრესი“, რომელსაც მისმა გუნდმა ერთი კვირის განმავლობაში მიაღწია.

აშშ-ის პრეზიდენტის თქმით, თავდაპირველი 28-პუნქტიანი სამშვიდობო გეგმა ორივე მხარის წინადადებების გათვალისწინებით დაიხვეწა და შეუთანხმებელი მხოლოდ რამდენიმე პუნქტი რჩება.

ტრამპმა ასევე დაადასტურა მზადყოფნა, შეხვდეს ზელენსკისა და პუტინს, მაგრამ მხოლოდ მას შემდეგ, რაც შეთანხმება ფინალურ ეტაპზე იქნება. მედიის ცნობით, უიტკოფი უკვე ჩავიდა მოსკოვში.