ანდრიი ერმაკის გადადგომა ვოლოდიმირ ზელენსკის ადმინისტრაციის ყოვლისშემძლე უფროსის პოსტიდან, ტექტონიკური ძვრაა უკრაინისთვის, რომელიც საფუძველს უყრის სასტიკ ბრძოლას ქვეყნის მართვის გზებზე, – წერს გამოცემა POLITICO.
„ერთ დროს ნაკლებად ცნობილი იურისტი და პროდიუსერი, ერმაკმა მოიპოვა უზარმაზარი გავლენა, როგორც ზელენსკის მთავარმა თანაშემწემ, და ბევრის მიერ თითქმის თანაპრეზიდენტად მოიაზრებოდა“, – აღნიშნულია სტატიაში.
ოპოზიციონერი პოლიტიკოსები ერმაკის თანამდებობიდან გათავისუფლებას კორუფციულ სკანდალთან დაკავშირებით გამოიყენებენ, რათა გააძლიერონ თავიანთი მოთხოვნა ეროვნული ერთიანობის მთავრობის შექმნის თაობაზე, რასაც ისინი რუსეთის მიერ თითქმის ოთხი წლის წინ სრულმასშტაბური შეჭრის დაწყების დღიდან მოითხოვდნენ.
„ახლა ზელენსკი თავისი პროდიუსერის გარეშე დარჩება, მაშინ როდესაც ემზადება დაძაბული მოლაპარაკებებისთვის აშშ-თან პრეზიდენტ დონალდ ტრამპის „სამშვიდობო გეგმის“ თაობაზე, რომლის მიზანია რუსეთის ომის დასრულება უკრაინაში, მაშინ, როდესაც ზამთარი დგება და კრემლის ძალები ცდილობენ დონბასის ბრძოლის ველებზე თავიანთი უპირატესობის გაძლიერებას“, – წერს გამოცემა POLITICO.
სტატიაში ხაზგასმით აღნიშნულია, რომ ერმაკის მიერ ძალაუფლების მონოპოლიზაცია იწვევდა მზარდ კრიტიკას და იმედგაცრუებას, როგორც უკრაინის შიგნით, ასევე დასავლელი მოკავშირეების მხრიდან.
