ექიმი კონსტანტინე ჩახუნაშვილი „რადიო თავისუფლებასთან“ ინტერვიუს დროს ამბობს, რომ ერთ-ერთ ჟურნალს სტატიის გამოქვეყნებაზე უარი იმიტომ უთხრეს, რომ მათ პოლიტიკური დისკურსის ამოღება მოსთხოვეს.
„შევაგროვეთ მონაცემები. სტატიის პირველი ვერსია შევიტანეთ ერთ-ერთ ჟურნალში. საბოლოო ჯამში ესე გადაწყდა, რომ ჩვენი პროფილი არ იყო, მიუხედავად იმისა რომ რივიუერებმა ძაან კარგი შეფასება მოგვცეს და მე გული დამწყდა. ჟურნალი იყო medical toxicology თუ სწორად მახსოვს, ამერიკული ტოქსიკოლოგთა ასოციაციის ჟურნალი არის. შემდგომ გავაგზავნეთ ერთ ჟურნალში, რომელმაც გვითხრა, რომ პოლიტიკური დისკურსი საერთოდ ამოიღეთო და ჩვენ უარი ვთქვით, რომ ამოგვეღო შესავალი იმიტომ, რომ კონტექსტი რივიუერისთვის და იმ ადამიანისთვის ვინც ამ სტატიას კითხულობს, ჩვენი აზრით მნიშვნელოვანი იყო და უკვე მერე საკმაოდ მაღალრეიტინგიანი ჟურნალი ვიპოვეთ „ელსევიერის“ (ჰოლანდიური საინფორმაციო და ანალიტიკური კომპანია/სამეცნიერო ბაზა) ბაზაში სადაც ეს აბსტრაქტით დაემთხვა და შესაბამისად ჩვენ გადავწყვიტეთ, რომ მანდ გაგვეშვა და იმის მერე ველოდებოდით გამოქვეყნებას“-განაცხადა კონსტანტინე ჩახუნაშვილმა.
