დღეს მოვედით და შევხვდით პატიმრებს, ვინც გამოდიოდა ციხიდან. რამდენიმემ გვიპასუხა, რამდენიმე წავიდა უპასუხოდ და მივხვდით, რომ გამოუშვეს ის პატიმრები, ვინც ყაველაშვილს სთხოვა შეწყალება.,- განაცხადა ძალადობრივი აქციების დროს დაკავებული ერთ-ერთი პატიმრის დედამ, მარიზ კობახიძემ ჟურნალისტებთან საუბრისას.
მისი თქმით, აქციის დროს დაკავებული პირები არ აღიარებენ პრეზიდენტად მიხეილ ყაველაშვილს და შესაბამისად, შეწყალებასაც არ მოითხოვენ.
„ყველა პატიმარმა თქვა, რომ წუხელ ვიცოდით, რომ გამოვიდოდითო, რადგან შეწყალება ჰქონდათ თურმე დაწერილი. ზოგს დარჩენილი ჰქონდა 9 თვე, ზოგს 24 თვე, ზოგს 2 თვე. ამიტომ მივხვდით- ისედაც კარგად ვიცით, რომ ჩვენი პატიმრები არასდროს არცერთხელ არ დათანხმებულან შეწყალებას იმიტომ, რომ არაფერი დაუშავებიათ. მე არც იმათ განვიკითხავ იმიტომ, რომ უნდოდათ და დაწერეს შეწყალება. ჩვენები რომ არ დაწერდნენ, ვიცოდით ისედაც. ამიტომ მივხვდით, რომ რადგანაც შეწყალება არ მოითხოვეს, არ გამოუშვეს. თვითონაც განაცხადეს, რა ეგონათ, რომ არ დაწერეს შეწყალება და არ აღიარებენ ყაველაშვილსო.
ყაველაშვილს არ ვაღიარებთ, რადგან ის არის ქოცების პრეზიდენტი, ის არ არის ქართველების პრეზიდენტი და ქოცობა დღეს ყველაზე დიდი სირცხვილია ამ ქვეყანაში,-აცხადებს მარიზ კობახიძე.
