აშშ-ის იუსტიციის სამინისტრომ ფედერალურ დონეზე სიკვდილით დასჯის აღსრულების მორატორიუმი გააუქმა და განაჩენის სისრულეში მოყვანის ერთ-ერთ მეთოდად დახვრეტა დაამტკიცა.
უწყებამ ასევე გაამარტივა შიდა პროცედურები იმ საქმეების განხილვის დასაჩქარებლად, რომლებიც სასიკვდილო განაჩენს ითვალისწინებს. ამასთანავე, იუსტიციის სამინისტროს ანგარიშში ხაზგასმულია სხვა მეთოდების კონსტიტუციურობაც, როგორიცაა ელექტროშოკი, გაზის კამერა და სასიკვდილო ინექცია.
უწყება ასევე გეგმავს აკრძალოს შეწყალების თხოვნის წარდგენა მანამ, სანამ ყველა სასამართლო პროცედურა ბოლომდე არ დასრულდება.
სამინისტრომ უკვე გასცა ნებართვა სასიკვდილო განაჩენის მოთხოვნაზე 44 ბრალდებულისთვის. მათ შორის არიან დაჯგუფება MS-13-ის სამი წევრი, რომელთაგან ორი არალეგალი მიგრანტია.
შეგახსენებთ, რომ აშშ-ში ფედერალურ დანაშაულებზე სიკვდილით დასჯის მორატორიუმი 2003-დან 2020 წლამდე მოქმედებდა. 2021 წელს ტრამპმა ის გააუქმა, რის შემდეგაც 13 ადამიანი დასაჯეს. ბაიდენის პერიოდში მორატორიუმი კვლავ აღდგა და პენტობარბიტალის ინექციები აიკრძალა, თუმცა ამჟამინდელმა ადმინისტრაციამ ამ ზომებს ამერიკელი ხალხის დაცვის მოვალეობის შეუსრულებლობა უწოდა.
