ბრიტანეთში პოლიციამ ძალის გამოყენებით დააკავა ატირებული 5 წლის ბიჭი, – ამის შესახებ ინფორმაცია X-სა და ტელეგრამზე ვრცელდება, შემთხვევის ამსახველ ვიდეომასალასთან ერთად.
„დიდ ბრიტანეთში პოლიციამ ძალადობრივად დააკავა 5 წლის ბიჭი. დაკავების დროს, პოლიციის თანამშრომლებმა ატირებული ბავშვი მამას ხელებიდან გამოგლიჯეს. კადრებში ნაჩვენებია, რომ შეშინებული ბიჭი გაქცევას ცდილობს, მაგრამ მას პოლიციელები დაედევნნენ, დაიჭირეს და ხელები ზურგს უკან გადაუგრიხეს. ეს ყველაფერი კი მაშინ, როცა ის მთელი ამ ხნის განმავლობაში ყვიროდა, ტიროდა და ისტერიკაში იყო.“ – აღნიშნულია სხვადასხვა მედიასაშუალების მიერ გავრცელებულ ინფორმაციაში.
ასევე, გავრცელებული ინფორმაციით, „ერთ-ერთმა პოლიციელმა, მამაკაცი, რომელიც მომხდარს ტელეფონით იღებდა, გააფრთხილა, რომ ტელეფონს წაართმევდა და წიწაკის სპრეის გამოყენებითაც დაემუქრა.“
