ლადო სადღობელაშვილი: როდესაც ირაკლი კუპრაძე და „ლელოს“ წარმომადგენლები ეკონომიკურ მდგომარეობასა და ხალხზე ზრუნვაზე საუბრობენ, საზოგადოებას კარგად ახსოვს, თუ ვინ დგას ამ პარტიის უკან და რა წარსული აკავშირებთ მათ საქართველოს მოქალაქეებთან

ანალიტიკოსი, ლადო სადღობელაშვილი, „ლელოს“ გენერალური მდივნის ირაკლი კუპრაძის განცხადებას სოციალურ ქსელში ეხმიანება და აღნიშნავს, რომ ბიძინა ივანიშვილისა და „ქართული ოცნების“ მისამართით გაჟღერებული ბრალდებები რეალობას აბსოლუტურად აცდენილია და მხოლოდ იაფფასიან პოლიტიკურ პოპულიზმს ემსახურება.

ანალიტიკოსის თქმით, „ლელოს“ დამფუძნებელი მამუკა ხაზარაძე სწორედ ის ადამიანია, რომლის საბანკო საქმიანობამაც, „ნაციონალური მოძრაობის“ მმართველობის პერიოდში, ათიათასობით საქართველოს მოქალაქე მძიმე მდგომარეობაში ჩააგდო, ათასობით ოჯახი სწორედ მისი ბანკის ვალებისა და კაბალური პირობების გამო დარჩა ღია ცის ქვეშ, სახლ-კარის გარეშე.

სადღობელაშვილის შეფასებით, საზოგადოება მშვენივრად ასხვავებს ერთმანეთისგან რეალურ ქველმოქმედებასა და ქვეყნის მშენებლობას იმ ადამიანებისგან, რომლებმაც საკუთარი ქონება ხალხის გაღარიბებისა და უსახლკაროდ დატოვების ხარჯზე დააგროვეს.

„ბიძინა ივანიშვილისა და „ქართული ოცნების“ მისამართით გაჟღერებული ბრალდებები რეალობას აბსოლუტურად აცდენილია და მხოლოდ იაფფასიან პოლიტიკურ პოპულიზმს ემსახურება. როდესაც ირაკლი კუპრაძე და „ლელოს“ წარმომადგენლები ეკონომიკურ მდგომარეობასა და ხალხზე ზრუნვაზე საუბრობენ, საზოგადოებას კარგად ახსოვს, თუ ვინ დგას ამ პარტიის უკან და რა წარსული აკავშირებთ მათ საქართველოს მოქალაქეებთან.
„ლელოს“ დამფუძნებელი მამუკა ხაზარაძე სწორედ ის ადამიანია, რომლის საბანკო საქმიანობამაც, „ნაციონალური მოძრაობის“ მმართველობის პერიოდში, ათიათასობით საქართველოს მოქალაქე მძიმე მდგომარეობაში ჩააგდო. ათასობით ოჯახი სწორედ მისი ბანკის ვალებისა და კაბალური პირობების გამო დარჩა ღია ცის ქვეშ, სახლ-კარის გარეშე. ხალხის გაკოტრებისა და უსახლკაროდ დატოვების ხარჯზე გამდიდრებული მილიონერები დღეს მორალისტის როლში გამოდიან და ცდილობენ, საზოგადოებას თავი ხალხის ინტერესების დამცველად წარუდგინონ.
რაც შეეხება ბიძინა ივანიშვილს — მისი მოღვაწეობა, განსხვავებით ოპონენტებისგან, გამყარებულია კონკრეტული საქმეებითა და ქველმოქმედებით.
საზოგადოება მშვენივრად ასხვავებს ერთმანეთისგან რეალურ ქველმოქმედებასა და ქვეყნის მშენებლობას იმ ადამიანებისგან, რომლებმაც საკუთარი ქონება ხალხის გაღარიბებისა და უსახლკაროდ დატოვების ხარჯზე დააგროვეს.“ – ლადო სადღობელაშვილი.