პოსტები სოციალური ქსელიდან

თამარ ჩიბურდანიძე: „ვეთანხმები კელი დეგნანს, არა მარტო გვერდით უნდა გავწიოთ ის ადამიანები, ვინც პოლარიზაციას იწვევენ, არამედ საერთოდ უნდა ჩამოვაცილოთ პოლიტიკას – სწორედ ამ პროცესს ვიწყებთ“

„დემოკრატია არ ნიშნავს დანაშაულის მიტევებას, სიტყვის თავისუფლება კი არ ნიშნავს უარგუმენტო ბრალდებას. ამიტომ, როგორც ჩვენმა ლიდერმა აღნიშნა, უნდა შევისწავლოთ ყოფილი ხელისუფლებისა და მათი პარტიის „ნაციონალური მოძრაობის“ საქმიანობა და მოლდოვას მსგავსად შესაბამისი გადაწყვეტილება მივიღოთ“, – ამის შესახებ „ხალხის ძალის“ წევრი თამარ ჩიბურდანიძე სოციალურ ქსელში წერს.

მისი თქმით, აუცილებელია, შევისწავლოთ „ნაციონალური მოძრაობის“ ქმედებები და მოლდოვას მსგავსად სწორი გადაწყვეტილება მივიღოთ.

„არის საკითხი, რაშიც სრულიად ვეთანხმები ამერიკის ელჩს, დიახ, გვერდით უნდა გავწიოთ ის ადამიანები, რომლებიც სრულ პოლარიზაციას იწვევენ ქართულ საზოგადოებაში და ცდილობენ, დეზინფორმაციით თავს მოახვიონ საკუთარი ყალბი პოლიტიკა. უფრო მეტიც, ასეთი ადამიანები არა მარტო გვერდით უნდა გავწიოთ, არამედ საერთოდ ჩამოვაცილოთ პოლიტიკას და თუ საჭირო იქნება, პასუხიც ვაგებინოთ ქვეყნის წინაშე განხორციელებულ მტრულ ქმედებებზე. ასეთ შემთხვევაში სხვა ვეღარ გაბედავს მსგავს ქმედებას.

სწორედ ამ პროცესს იწყებს ჩვენი მოძრაობა შემოდგომიდან და იმედს ვიტოვებთ, რომ საზოგადოების დიდი მხარდაჭერა გვექნება. ამ ინიციატივამ უკვე გამოიწვია დიდი მოწონება ქართველ ხალხში. დემოკრატია არ ნიშნავს დანაშაულის მიტევებას, სიტყვის თავისუფლება კი არ ნიშნავს უარგუმენტო ბრალდებას. ამიტომ, როგორც ჩვენმა ლიდერმა აღნიშნა, უნდა შევისწავლოთ ყოფილი ხელისუფლებისა და მათი პარტიის „ნაციონალური მოძრაობის“ საქმიანობა და მოლდოვას მსგავსად შესაბამისი გადაწყვეტილება მივიღოთ“, – წერს თამარ ჩიბურდანიძე.

Facebook Comments Box

ავტორის შესახებ

Info Postalioni

ტოპ პოსტები

კატეგორიები

ნახვები

  • 7,810,057 ნახვა