პოლიტიკა

ირაკლი კობახიძე აშშ-ს საელჩოს განცხადებაზე: მადლობას გადავუხდი საელჩოს ობიექტურობისთვის

„ქართული ოცნების“ თავმჯდომარე ირაკლი კობახიძე საქართველოში აშშ-ის სამხედრო ბაზების გახსნასთან დაკავშირებით, აშშ-ს საელჩოს და სახელმწიფო დეპარტამენტის მიერ გავრცელებულ განცხადებებს გამოეხმაურა. ირაკლი კობახიძე მადლობას უხდის საელჩოს ობიექტური და მნიშვნელოვანი განცხადების გავრცელებისთვის.

„მე კიდევ ერთხელ მადლობას გადავუხდი საელჩოს ობიექტურობისთვის. პირველი შემთხვევაა ამ ბოლო წლების განმავლობაში როდესაც საელჩო დაუპირისპირდა „ნაცმოძრაობის“ დეზინფორმაციას და მან გაავრცელა ასეთი ძალიან მნიშვნელოვანი, ობიექტური განცხადება „ნაცმოძრაობის“ მიერ გავრცელებულ დეზინფორმაციასთან დაკავშირებით. კიდევ ერთხელ გავიმეორებ, რომ ასეთი რამ სამწუხაროდ ბოლო ელჩის პირობებში არ ხდებოდა. როგორც კი წავიდა ელჩი, მაშინვე გავრცელდა ობიექტური ინფორმაცია საელჩოს მიერ და ამისათვის საელჩოს დიდი მადლობა“ – აცხადებს კობახიძე.

კობახიძემ ასევე, ოპოზიციის განცხადებები შეაფასა და აღნიშნა, რომ ქვეყნისთვის დამაზიანებელია მსგავსი დეზინფორმაციის გავრცელება.

„როდესაც ასეთ დეზინფორმაციას ავრცელებ, თან ასეთ სენსიტიურ თემაზე და მერე ამერიკის საელჩოს და სახელმწიფო დეპარტამენტს უწევს ამის უარყოფა, ეს რა თქმა უნდა დამაზიანებელია“ – განაცხადა ირაკლი კობახიძემ.

ცნობისთვის, „მთავარი არხის“ გავრცელებული ინფორმაციის თანახმად, რუსეთის უკრაინაში შეჭრამდე რამდენიმე თვით ადრე, საქართველოში ჩამოსულმა ამერიკის თავდაცვის მდივანმა „ქართულ ოცნებას“ ბაზის გახსნასთან დაკავშირებით მოლაპარაკებები შესთავაზა და უარი მიიღო. მედიის ცნობით, ეს ხელისუფლებამ დამალა, მიზეზად კი რუსეთის არგაღიზიანება დაასახელა.

Facebook Comments Box

ავტორის შესახებ

Info Postalioni

ტოპ პოსტები

კატეგორიები

ნახვები

  • 7,812,392 ნახვა