საზოგადოება

რუსეთში საქართველოდან კონიაკის დისტილატის იმპორტის გამარტივებას განიხილავენ

საქართველოდან რუსეთში კონიაკის დისტილატის იმპორტი შესაძლოა გამარტივდეს. რუსეთის ფინანსთა სამინისტროში განაცხადეს, რომ ამ საკითხს ახლა მთავრობაში განიხილავენ. ამ ინიციატივის მიზეზად რუსეთში კონიაკის დეფიციტს ასახელებენ. ამის შესახებ Ekho Kavkaza წერს.

ექსპერტები ასევე მიუთითებენ „რუსეთსა და სომხეთს შორის ურთიერთობების ბოლოდროინდელ გართულებაზე“, რაც შესაძლოა საქართველოდან პროდუქციის მიწოდებაზე კონტროლის შესუსტების განზრახვის მიზეზი იყოს.

„აქამდე კონიაკის დისტილატის მთავარი მიმწოდებელი სომხეთი იყო, ახლა კი რესპუბლიკიდან რუსეთში ნედლეულის მიწოდება შემცირდა“, – აღნიშნა რუსეთში „საზოგადოებრივი მომხმარებელთა ინიციატივის“ ხელმძღვანელმა ოლეგ პავლოვმა.

მედიის ცნობით, ამჟამად ქართული ნედლეული სხვა ქვეყნების პროდუქტებთან შედარებით უფრო მკაცრ კონტროლს გადის. ამრიგად, ფედერალური საბაჟო სამსახური აფორმებს კონიაკის დისტილატების თითოეულ პარტიას, რომელიც რუსეთის ფედერაციას მხოლოდ ლაბორატორიული ტესტების ჩატარების შემდეგ მიეწოდება. გარდა ამისა, მათი იმპორტი საქართველოდან რუსეთში შეუძლიათ მხოლოდ იმ მწარმოებლებს, რომლებმაც „როსპოტრებნადზორის“ ინსპექტირება გაიარეს.

Facebook Comments Box

ავტორის შესახებ

Info Postalioni

ტოპ პოსტები

კატეგორიები

ნახვები

  • 7,758,007 ნახვა