პოლიტიკა

ლევან ნიკოლეიშვილი IRI-ის, აშშ-ის საელჩოს და ოპოზიციის წარმომადგენლების შეხვედრაზე: რახან სანქციების თემით არაფერი გამოდის, ამიტომ როგორც ჩანს, მეტი რაღაცაა საჭირო – ვინმეს კიდევ უჩნდება ეჭვი გამჭვირვალობის კანონის ამოქმედების აუცილებლობაზე?

რახან სანქციების თემით შეშინებით არაფერი არ გამოდის, ამიტომ როგორც ჩანს მეტი რაღაცაა საჭირო: ეს მეტი კი ოპოზიციის უფროსებთან დაბარება და მათთვის დეტალური ინსტრუქციის მიცემაა, – ასე ეხმიანება ექსპერტი ლევან ნიკოლეიშვილი „ქრონიკის“ ინფორმაციას, რომლითაც ცნობილი გახდა, რომ IRI-ისა და აშშ-ის საელჩოს ორგანიზებით, კაჭრეთის ამბასადორში ოპოზიციის წარმომადგენლებთან დახურული შეხვედრა გაიმართა.

ექსპერტი გამოთქვამს ვარაუდს, რომ შესაძლოა, შეკრებაზე განიხილეს არა რაიმე ღირებული პროგრამა, რითაც “ქართულ ოცნებას” კონკურენციას გაუწევენ, არამედ წაგებული არჩევნების შემდეგ ქმედებებს. მისი თქმით, სწორედ ამიტომ აშინებთ “გამჭვირვალობის კანონი”.

“რახან სანქციების თემით შეშინებით არაფერი არ გამოდის, ამიტომ როგორც ჩანს მეტი რაღაცაა საჭირო: ეს მეტი კი ოპოზიციის უფროსებთან დაბარება და მათთვის დეტალური ინსტრუქციის მიცემაა. ეს შეიძლება იყოს ახსნა იმის შესახებ, თუ როგორ გააკეთონ უფრო მეტი რადიკალური აქცია-პერფორმანსები ან რჩევა/ მოთხოვნა/ბრძანება, რომ მოემზადონ არჩევნებისთვის ძალების მოსაკრებად. საარჩევნოდ არა რამე ისეთი ღირებული პროგრამის დასადებად, რომ მართლა კონკურენცია გაუწიო “ქართულ ოცნებას”, არა – წაგებული არჩევნების შემდეგ როგორ და რანაირად უნდა იკივლოს ოპოზიციამ “გაყალბდა, გაყალბდა.” თუ ასე არ არის, თქვან რაზე შეიკრიბნენ ან ამათმა ან იმათმა. აი, რატომ აშინებთ ქართული გამჭვირვალობის კანონი, ამის მერე ვინმეს კიდევ უჩნდება ეჭვი აღნიშნული კანონის ამოქმედების აუცილებლობაზე?” – წერს ლევან ნიკოლეიშვილი.

Facebook Comments Box

ავტორის შესახებ

Info Postalioni

ტოპ პოსტები

კატეგორიები

ნახვები

  • 7,814,562 ნახვა