სამართალი

გერმანული მხარის მიწვევით, შსს UEFA-ს ევროპის ჩემპიონატის უსაფრთხოდ ჩატარებაში მიიღებს მონაწილეობას

საქართველოს შსს, გერმანული მხარის მიწვევით UEFA-ს ევროპის ჩემპიონატის უსაფრთხოდ ჩატარებაში მიიღებს მონაწილეობას – ამის შესახებ განცხადებას შინაგან საქმეთა სამინისტრო ავრცელებს.

მათი ცნობით, მხარეებს შორის გაფორმებული ერთობლივი დეკლარაციის საფუძველზე, პოლიციის დეპარტამენტის 10 თანამშრომელი ჩემპიონატზე უსაფრთხოების უზრუნველსაყოფად სპეციალურ სასწავლო კურსს სხვა ქვეყნების პოლიციის ოფიცრებთან ერთად გაივლიან.

„2024 წლის 14 ივნისიდან 14 ივლისამდე, გერმანიის ფედერაციულ რესპუბლიკაში UEFA-ს 2024 წლის ევროპის ფეხბურთის ჩემპიონატზე, გერმანიის ფედერაციული რესპუბლიკის შინაგან საქმეთა და საზოგადოებრივ საქმეთა ფედერალურ სამინისტროსა და ფედერალური პოლიციის ინიციატივით, დაცვისა და უსაფრთხოების ღონისძიებებში მონაწილეობის მიღების, ასევე, მასპინძელი ქვეყნის პოლიციის დანაყოფებისთვის ხელშეწყობის მიზნით, გერმანიის ფედერაციულ რესპუბლიკაში მიწვეულია საქართველოს შინაგან საქმეთა სამინისტროს დელეგაცია.

აღნიშნულ საკითხთან დაკავშირებით, საქართველოს შინაგან საქმეთა სამინისტროსა და გერმანიის ფედერაციული რესპუბლიკის შინაგან საქმეთა და საზოგადოებრივ საქმეთა ფედერალურ სამინისტროებს შორის, განზრახულობათა ერთობლივ დეკლარაციას ხელი მოეწერა.

მიმდინარე წლის 8 ივნისს, ბამბერგის სასწავლო ცენტრში შინაგან საქმეთა სამინისტროს საპატრულო პოლიციის დეპარტამენტის 10 თანამშრომელი გაემგზავრება, რომლებიც 10 ივნისიდან 13 ივნისის ჩათვლით, სხვა ქვეყნების პოლიციის ოფიცრებთან ერთად გაივლიან ერთობლივ სასწავლო კურსს“, – ნათქვამია განცხადებაში.

Facebook Comments Box

ავტორის შესახებ

Info Postalioni

ტოპ პოსტები

კატეგორიები

ნახვები

  • 7,814,576 ნახვა