პოლიტიკა

მიხეილ სააკაშვილი – რა ჯანდაბაში გვინდა პორტი ჩინელების ხელში, ჩვენ უნდა დავუბრუნოთ საქართველო ისევ ქართველებს

რა ჯანდაბაში გვინდა ჩვენი სტაბილური პორტი ჩინელების ხელში, ისევე როგორც რუსთავში ეკონომიკური ზონა გადასცეს მთლიანად ყაზახებს, ჩვენ უნდა დავუბრუნოთ საქართველო ისევ ქართველებს, – ამის შესახებ საქართველოს ყოფილმა პრეზიდენტმა, მიხეილ სააკაშვილმა დღევანდელ სასამართლო პროცესზე დისტანციურად ჩართვისას განაცხადა.

სააკაშვილის თქმით, საქართველოში ოქტომბერში წყდება ქვეყნის ბედი შემდეგი 20-25 წლის განმავლობაში და არჩევანის გაკეთება ძალიან მარტივია.

„დღეს საქართველოში ადამიანი, როგორც ცენტრი, არის დაკარგული. აი, ანაკლიაში ლაზიკის პორტი ჩვენ გვქონდა გათვლილი იმისთვის, რომ მთელი სამეგრელო დაგვესაქმებინა მაღალანაზღაურებად სამუშაო ადგილებზე. ამათ გადაწყვიტეს, ჩინელები შემოიყვანონ და ჩინელებმა ჩაანაცვლონ ქართველები. რა ჯანდაბაში გვინდა ჩვენი სტაბილური პორტი ჩინელების ხელში. გარდა საფრთხისა, უბედურებისა, სიღარიბისა, რა მოაქვს ამა, ისევე როგორც ეკონომიკური ზონა რუსთავში, რომელიც შევქმენით იმისთვის, რომ 60 000 ადამიანი დავასაქმეთ, ახლა ყაზახებს გადასცეს მთლიანად. ე. ი. ქართველი ადამიანი არ არის დაცული თავის ქვეყანაში, არავინ აღარ არის თავისი ბედის და ქვეყნის ბატონ-პატრონი. ჩვენ უნდა დავუბრუნოთ საქართველო ისევ საქართველოს მოქალაქეებს, ისევ ქართველებს“, – აღნიშნა მიხეილ სააკაშვილმა.

Facebook Comments Box

ავტორის შესახებ

Info Postalioni

ტოპ პოსტები

კატეგორიები

ნახვები

  • 7,843,653 ნახვა