„აი რატომ არის გრძელვადიანი მშვიდობა და სწორი ეკონომიკური რეფორმები საჭირო: ხანგრძლივი მშვიდობის გამქილიკებელთათვის დღეს საერთაშორისო სავალუტო ფონდი (IMF) წერს: საქართველომ გამორჩეული მდგრადობა აჩვენა გაზრდილი შიდა და გეოპოლიტიკური გაურკვევლობის ფონზე, ძლიერი ზრდით, – ამის შესახებ „ბიზნეს ინსაიდერ საქართველოს” დამფუძნებელი, გიორგი აბაშიშვილი, სოციალურ ქსელში წერს.
მისი განცხადებით, საერთაშორისო სავალუტო ფონდის დასკვნიდან ასევე აღსანიშნავია, რომ საქართველოს ეკონომიკამ შთამბეჭდავი მდგრადობა აჩვენა, ქვეყანამ ერთ სულ მოსახლეზე შემოსავალი გაზარდა და შეამცირა როგორც უმუშევრობა, ისე სიღარიბე.
აბაშიშვილი ყურადღებას ამახვილებს იმაზეც, რომ IMF-ის თანახმად, ინფლაცია დაბალ მაჩვენებელზე შენარჩუნდა, რასაც ხელი შეუწყო მკაცრმა მონეტარულმა პოლიტიკამ და ძლიერმა ლარმა.
„აი რატომ არის გრძელვადიანი მშვიდობა და სწორი ეკონომიკური რეფორმები საჭირო: ხანგრძლივი მშვიდობის გამქილიკებელთათვის დღეს საერთაშორისო სავალუტო ფონდი (IMF) წერს:
• საქართველომ გამორჩეული მდგრადობა აჩვენა გაზრდილი შიდა და გეოპოლიტიკური გაურკვევლობის ფონზე, ძლიერი ზრდით;
• საქართველოს ეკონომიკამ შესანიშნავი მაჩვენებლები აჩვენა მიუხედავად მაღალი შიდა და გეოპოლიტიკური გაურკვევლობისა;
• საქართველოს ეკონომიკამ შთამბეჭდავი მდგრადობა აჩვენა;
• ქვეყანამ გაზარდა ერთ სულ მოსახლეზე შემოსავალი და შეამცირა უმუშევრობა და სიღარიბე;
• ინფლაცია დაბალ მაჩვენებელზე შენარჩუნდა, რასაც ხელი შეუწყო მკაცრმა მონეტარულმა პოლიტიკამ და ძლიერმა ლარმა;
• ეკონომიკური აქტივობა უახლოეს მომავალში ძლიერი იქნება და თანდათანობით მიაღწევს პოტენციალს;
• რეალური მშპ-ს ზრდა, სავარაუდოდ, 2025 წელს 7.2 პროცენტს მიაღწევს, რაც განპირობებულია მდგრადი შიდა მოთხოვნით და ტურიზმის, საინფორმაციო და საკომუნიკაციო ტექნოლოგიების და ტრანსპორტის სფეროში გაძლიერებით;
• საქართველოზე გლობალური სავაჭრო დაძაბულობის პირდაპირი ზემოქმედება შეზღუდულია;
• ეროვნული ბანკის მმართველობისა და დამოუკიდებლობის გაძლიერება კვლავ მნიშვნელოვან პრიორიტეტად რჩება – პროგრესი შეინიშნება წარსული რეკომენდაციების შესრულებაში;
• ფისკალური პოლიტიკა კარგად არის მართული;
• სახელმწიფო ვალი გონივრულ დონეზეა – სახელმწიფო ვალი 2024 წელს მშპ-ს 36 პროცენტამდე შემცირდა;
• ფინანსური სექტორი სტაბილურია და რეფორმები უზრუნველყოფილი,“ – წერს გიორგი აბაშიშვილი.
