პოლიტიკა

რომან გოცირიძე პრიგოჟინის დაღუპვაზე: ეს ამბავი მაინც პუტინს დაბრალდება და სამუდამოდ დაირტყამს პრიგოჟინის მკვლელის იარლიყს. მისთვის ამას უმძიმესი შედეგები მოჰყვება

დეპუტატი რომან გოცირიძე პრიგოჟნის აფეთქებას ეხმიანება და სოცქსელში წერს:

„რაც არ უნდა მომხდარიყო, ვისაც არ უნდა აეფეთქებინა-პუტინს, უკრაინას, ამერიკას, თავად რუსებს მოუვიდათ შეცდომა და დიდი დრონი ეგონათ ეს პატარა თვითმფრინავი ( ამათგან არც ეს უნდა გაგვიკვირდეს), ეს ამბავი მაინც პუტინს დაბრალდება და სამუდამოდ დაირტყამს პრიგოჟინის მკვლელის იარლიყს. მისთვის ამას უმძიმესი პოლიტიკური და არა მხოლოდ პოლიტიკური შედეგები მოჰყვება. თუ მანამდე არ გააგორეს, პენსიონერის მშვიდი ცხოვრება ნამდვილად ვერ ექნება სადმე “პადმასკოვიეს” აგარაკზე.

შეთქმულების თეორიები რა თქმა აგორდება და ამ ადამიანებს ვერასდროს გადაარწმუნებ, რომ პუტინმა აფრიკაში გადამალა, ჰიტლერისა და ბრაზილიის ჯუნგლებისა არ იყოს. პლასტიკურ ოპერაციასაც გაიკეთებს და იქნება თავისთვის მშვიდად ამ სიბერეში. სიკვდილს ასე ცხოვრება ხომ სჯობია. წესით, აჯანყების მომწყობი უნდა მომკვდარიყო, მაგრამ კარგი კაცია პუტინი, არ გაწირა ბოლომდე.მე ყველაზე მეტად ღვინო რომ მიართვა ვიღაცამ თვითმფრინავში და ბომბი რომ ყოფილა ყუთში დამალული, ის ვერსია მომწონს, ოღონდ ეს ღვინო ქართული მარკის უნდა იყოს. “პრიგოჟინს ხვანჭკარა უყვარდა”-რა მაგარი რეკლამა იქნება, არა?მოკლედ, ისეთი რამ მოხდა, უკეთეს რომ ვერ ინატრებდი პუტინის დასასუსტებლად. რა მოხდა, საიდუმლოდ რომ არ დარჩება, ესეც ფაქტია, იმდენად ნათელი სურათია.რადგან ღვინის რეკლამაც გვინდა რომ გამოვიდეს, მოდით იმ ღვინით, თვითმფრინავში დალევა რომ ვერ მოასწრეს, ჯოჯოხეთისკენ გზა “დავულოცოთ” უდანაშაულო ადამიანების სისხლში გასვრილი კაცს და მისი თანამზრახველებს. კობზონის კონცერტზე წინა რიგში რომ დასვამენ, ამდენი კი დაიმსახურა. ერთი ადგილი პუტინისთვისაც ექნებათ გადანახული. იმედია, კონცერტის პირველ ნაწილს თუ არა, მეორეს მაინც არ გააცდენს:))“

Facebook Comments Box

ავტორის შესახებ

Info Postalioni

ტოპ პოსტები

კატეგორიები

ნახვები

  • 7,810,190 ნახვა