საზოგადოება

ბათუმში პიროტექნიკით ორი ადამიანი დაშავდა – მათ ხელის თითები დაკარგეს

ახალი წლის დღეებში ბათუმში პიროტექნიკის აფეთქების შედეგად მინიმუმ 2 ადამიანი დაშავდა. ინფორმაციას გამოცემა „ბათუმელები“ ავრცელებს. 

ამავე ინფორმაციით, 31 დეკემბერს ბათუმის საერთაშორისო ჰოსპიტალში ორივე ხელის მტევნის მრავლობითი დამწვრობით 40 წლის კაცი შეიყვანეს.

პაციენტმა ერთი თითი სრულად, მეორე კი ნაწილობრივ დაკარგა. ამჟამად კაცის მდგომარეობა დამაკმაყოფილებელია. 

გარდა ამისა, 30 დეკემბერს ბათუმის სამედიცინო ცენტრში პიროტექნიკის აფეთქების შედეგად დაშავებული 25 წლის კაცი გადაიყვანეს. კლინიკაში „ბათუმელებს“ უთხრეს, რომ საავადმყოფოში მიყვანამდე მას უკვე დაკარგული ჰქონდა ერთი თითი.

Facebook Comments Box

ავტორის შესახებ

Info Postalioni

ტოპ პოსტები

კატეგორიები

ნახვები

  • 7,758,080 ნახვა