თუ აკვირდებით, როგორი გაცეცხლებული და მძაფრი რეაქცია ჰქონდათ რადიკალური ოპოზიციის წარმომადგენლებს ზაზა შათირიშვილის წერილთან დაკავშირებით? თავიდან ჩუმად იყვნენ რამდენიმე საათი, გაყურსულები ელოდებოდნენ მესიჯს და როგორც კი მიიღეს დავალება, ერთხმად აყვირდნენ, ტრამპი გლობალური ომის პარტიის და “დიპ სთეიტის” მსახურად გამოაცხადა „ქართულმა ოცნებამო“, – წერს “ხალხის ძალის” წევრი, დავით ქართველიშვილი, სოციალურ ქსელში.
მისი განცხადებით, შათირიშვილის ფაქტებზე დაფუძნებული ანალიზი, აქაური უსამშობლოებისთვის ძალზე მტკივნეული გამოდგა, ფილოსოფოსის წერილზე მათი მძაფრი რეაქცია კი ადასტურებს, რომ კონკრეტულ ძალებს სიმართლის საუბარი არ სიამოვნებთ, რაც სიმართლის ლაპარაკის კიდევ უფრო დიდ მოტივაციას იძლევა.
“თუ აკვირდებით, როგორი გაცეცხლებული და მძაფრი რეაქცია ჰქონდათ რადიკალური ოპოზიციის წარმომადგენლებს ზაზა შათირიშვილის წერილთან დაკავშირებით? თავიდან ჩუმად იყვნენ რამდენიმე საათი, გაყურსულები ელოდებოდნენ მესიჯს და როგორც კი მიიღეს დავალება, ერთხმად აყვირდნენ, ტრამპი გლობალური ომის პარტიის და “დიპ სთეიტის” მსახურად გამოაცხადა „ქართულმა ოცნებამო“. მე არ ვიცი „ქართულმა ოცნებამ“ რა გამოაცხადა, მაგრამ ის ფაქტი, რომ ზაზა შათირიშვილმა მხოლოდ ფაქტებზე დაფუძნებული ანალიზით დაგვანახა, თუ რას უქადის ოლიგარქიული ოჯახები მომავალში ევროპას – ძალიან მტკივნეული გამოდგა აქაური უსამშობლოებისთვის. ფაქტია, რომ ისინიც ერთი ხაზის, აგენტურული სინდიკატის წევრები არიან და საერთოდ არ ადარდებთ წერილის შინაარსი, მათთვის მთავარია მიღებული დავალება შეასრულონ. ამასთანავე, მძაფრი რეაქცია, რაც ფილოსოფოსის ნააზრევს მოყვა ადასტურებს ერთ რამეს – ძალიან არ სიამოვნებთ კონკრეტულ ძალებს სიმართლის საუბარი, რაც კიდევ უფრო მეტ მოტივაციას გვაძლევს, რომ სიმართლე კიდევ უფრო ხმამაღლა და ბევრჯერ ვილაპარაკოთ!” – წერს დავით ქართველიშვილი სოციალურ ქსელში.
