„ქართული ოცნების“ ლაგოდეხის მერობის კანდიდატმა და მოქმედმა მერმა ჯონდო მდივნიშვილმა მუნიციპალიტეტში არსებულ გამოწვევებზე და შესრულებულ პროექტებზე ისაუბრა. მისი თქმით მას ბევრი მიზანი და გეგმა აქვს, რომლის განხორციელებასაც მესამე ვადით არჩევის შემთხვევაში აპირებს.
„ძალიან ბევრი მნიშვნელოვანი, მოცულობითი პროექტი განვახორციელეთ. პრიორიტეტი არის საგზაო ინფრასტრუქტურის მოწესრიგება. ბევრი პროექტი განხორციელდა მოქალაქეების წყალმომარაგების კუთხით, გაზიფიცირება სრულად დასრულდა და 67-ვე სოფელში და ქალაქში სრულყოფილად ყველას მიეწოდება. ბევრი პროექტი განვახორციელეთ, სარეკრეაციო სივრცეები, სპორტული მოედნები. შემიძლია სიამაყით აღვნიშნო, რომ ერთი ორი ხელოვნურსაფარიანი მოედანი თუ იყო რვა წლის წინ ჩვენს მუნიციპალიტეტში და მხოლოდ მიმდინარე წელს ვაკეთებთ 4 ახალ სტადიონს, შარშანაც ამ მიმართულებით 6 ახალი სტადიონი ავაშენეთ და ახალგაზრდებს ხელს ვუწყობთ იმაში, რომ ჯანსაღი ცხოვრების წესით დაკავდნენ“-განაცხადა ჯონდო მდივნიშვილმა.
