2018 წელს მიღებული ახალი კონსტიტუცია მნიშვნელოვანი ეტაპი იყო ქვეყნის დემოკრატიულ განვითარებაში. საქართველომ მიიღო თანამედროვე, დემოკრატიული დოკუმენტი, რომელიც პასუხობს ქვეყნის წინაშე არსებულ გამოწვევებს და იცავს ადამიანთა უფლებას და თავისუფლებას – წერს ექსპერტი დავით ჩიხელიძე სოციალურ ქსელში.
როგორც ჩიხელიძე აღნიშნავს, კონსტიტუცია ცოცხალი დოკუმენტია და მისი განვითარება მომავალში ახალი გამოწვევების შესაბამისად შეიძლება გახდეს საჭირო. თუმცა ის, რომ უკვე შვიდი წელია უცვლელად მოქმედებს, სახელმწიფოს პოლიტიკური სიმწიფის და კონსტიტუციური წესრიგის სიძლიერის მაჩვენებელია.
“კონსტიტუციის დღე საქართველოს სახელმწიფოებრივი განვითარების ერთ-ერთი უმნიშვნელოვანესი თარიღია. ეს არის დღე, რომელიც გვახსენებს, რომ დემოკრატიული წყობა და სამართლებრივი სახელმწიფო მყარ საფუძველზე დგას — იმ ძირითად კანონზე, რომელიც მოქალაქეთა თავისუფლებას, უფლებებსა და პასუხისმგებლობებს განსაზღვრავს. 2018 წელს მიღებული ახალი კონსტიტუცია მნიშვნელოვანი ეტაპი იყო ქვეყნის დემოკრატიულ განვითარებაში. საქართველომ მიიღო თანამედროვე, დემოკრატიული დოკუმენტი, რომელიც პასუხობს ქვეყნის წინაშე არსებულ გამოწვევებს და იცავს ადამიანთა უფლებას და თავისუფლებას. განსაკუთრებით აღსანიშნავია, რომ 2018 წლიდან დღემდე კონსტიტუციაში ძირეული ცვლილებები არ შესულა. ეს ფაქტი ხაზს უსვამს ქვეყნის სტაბილურობასა და სამართლებრივი ჩარჩოების მდგრადობას. ძირითადი კანონი უზრუნველყოფს ძალაუფლების ბალანსს, იცავს მოქალაქეთა უფლებებს და ქმნის მყარ ინსტიტუციურ საფუძველს ქვეყნის განვითარებისთვის. რა თქმა უნდა, კონსტიტუცია ცოცხალი დოკუმენტია და მისი განვითარება მომავალში ახალი გამოწვევების შესაბამისად შეიძლება გახდეს საჭირო. თუმცა ის, რომ უკვე შვიდი წელია უცვლელად მოქმედებს, სახელმწიფოს პოლიტიკური სიმწიფის და კონსტიტუციური წესრიგის სიძლიერის მაჩვენებელია. ამ დღეს განსაკუთრებული მნიშვნელობა აქვს: კონსტიტუციის დღე გვახსენებს, რომ ქვეყნის პროგრესი დამოკიდებულია ერთგულებაზე იმ ღირებულებებისადმი, რომლებიც თავისუფლებასა და დემოკრატიას განსაზღვრავს.” – წერს ჩიხელიძე.
