აქციის მონაწილეები თბილისში, ათონელის ქუჩაზე მდებარე საქართველოს პრეზიდენტის სასახლის ტერიტორიაზე შეიჭრნენ.
ადგილზე სპეცრაზმია მობილიზებული. ისინი სავარაუდოდ, ბრძანებას ელოდებიან.
აქციის მონაწილეები ადგილზე მობილიზებულ სამართალდამცველებს ქვებს და სხვადასხვა ნივთს ესვრიან.
სამართალდამცველება წყლის ჭავლის გამოყენება დაიწყეს. პრეზიდენტის სასახლის წინ არსებული ღობე ამ დროისთვის მთლიანად მოხსნილია.
მანამდე, „ნაციონალური მოძრაობის“ წევრმა, მურთაზ ზოდელავამ აქციაზე შეკრებილებს მიმართა „მამაკაცური ძალა დღეს დაიწყებს მოქმედებას, შევიკრიბებით და ჩავიბარებთ პრეზიდენტის სასახლის გასაღებს“.
Facebook Comments Box
