ევროპა ლიგის ფინალში ბერგამოს „ატალანტამ“ „ლევერკუზენი“ 3:0 დაამარცხა და 61-წლიანი პაუზის შემდეგ პირველი ტიტული მოიგო. მატჩის გმირი ნიგერიელი თავდამსხმელი ადემოლა ლუკმანი იყო, რომელმაც ჰეტ-თრიქი შეასრულა. აფრიკელმა შემტევმა თავი მე-12, 26-ე და 75-ე წუთებზე გამოიჩინა.
„ატალანტამ“ 1963 წლის შემდეგ პირველად მოახერხა ტიტულის მოგება, რაც გუნდის თავკაცის, ჯან პიერო გასპერინის სამწვრთნელო კარიერაში ასევე პირველი ტიტულია.
„ლევერკუზენი“ კი მიმდინარე სეზონში პირველად დამარცხდა და გუნდის 51-მატჩიანი წაუგებელი სერია შეწყდა.
Facebook Comments Box
