ბრიტანეთის მეფე ჩარლზ III-ისა და მისი უმცროსი ვაჟის, პრინც ჰარის წარმომადგენლებმა ლონდონში საიდუმლო მოლაპარაკებები გამართეს შერიგების თაობაზე. ამის შესახებ Daily Mail (The Mail) იუწყება.
მონარქისა და მისი ვაჟის თანაშემწეების შეხვედრა ოთხშაბათს, 9 ივლისს გაიმართა მოლაპარაკებებს პრინც ჰარის საზოგადოებასთან ურთიერთობის ხელმძღვანელი მერედით მეინსი, მისივე პიარ-განყოფილების წარმომადგენელი ლიამ მაგუაირი და ჩარლზ III-ის საზოგადოებასთან ურთიერთობის მდივანი ტობინ ანდრეა აწარმოებდნენ.
„წინ დიდი გზაა გასავლელი, მაგრამ საკომუნიკაციო არხმა მრავალი წლის შემდეგ პირველად იმუშავა. ოფიციალური დღის წესრიგი არ ყოფილა, მხოლოდ არაფორმალური საუბარი სასმელთან ერთად. განხილული იყო ის თემები, რომლებიც ორივე მხარეს აწუხებს“, — განაცხადა Daily Mail-ის წყარომ.
მოლაპარაკებების სამეული ლიგის შენობის ტერასაზე დააფიქსირეს, რის შემდეგაც მათ საუბარი შენობაში გააგრძელეს. როგორც გამოცემა აზუსტებს, სწორედ მეინსი იყო მაისში პრინც ჰარის BBC-სთვის მიცემული ინტერვიუს ორგანიზატორი, სადაც მან განაცხადა, რომ სურდა მამასთან შერიგება, თუმცა ის უარს ამბობს ურთიერთობაზე.
მანამდე ბრიტანეთის მონარქიის ისტორიკოსმა მარლენ კენიგმა განაცხადა, რომ ბრიტანელი პრინცი ჰარი ჯერ კიდევ ვერ შეეგუა ახალ, დამოუკიდებელ ცხოვრებას ბუკინგემის სასახლისგან მოშორებით. ექსპერტის თქმით, ჩარლზ III-ის ვაჟი იტანჯება იმის გამო, რომ საკუთარი ძალებით ოჯახის რჩენა არ შეუძლია.
