„ერთი წლის წინ ჩვენი ქვეყანა მკვდარი იყო, ახლა კი მსოფლიოში ყველაზე „ცხელი“ ქვეყანაა. მოდით, ყველაფერი ისე დავტოვოთ, როგორც არის და არ დავკარგოთ დრო და ენერგია ჯეფრი ეპშტეინზე — ადამიანზე, რომელიც არავის ადარდებს“, — დაწერა დონალდ ტრამპმა Truth Social-ზე.
აშშ-ის პრეზიდენტი მიიჩნევს, რომ ეპშტეინის ფაილები მთლიანად გაყალბდა ბარაკ ობამას, ჰილარი კლინტონისა და სხვა დემოკრატების, ასევე CIA-სა და FBI-ის ყოფილი ხელმძღვანელების მიერ. ტრამპმა ხაზგასმით აღნიშნა, რომ „რადიკალი მემარცხენე-შეშლილები“ ეპშტეინის სიებს გამოაქვეყნებდნენ, თუ მათში MAGA-ს („Make America Great Again“ – გავხადოთ ამერიკა კვლავ დიდებული) მოძრაობისთვის რაიმე საშიში იქნებოდა.
ტრამპმა ასევე სცადა გენერალური პროკურორი პემ ბონდი თავდასხმებისგან დაეცვა და განაცხადა, რომ ის ფანტასტიკურ სამუშაოს ასრულებს. თეთრი სახლის ყოფილმა მეთაურმა კიდევ ერთხელ გააკეთა აქცენტი მისი ადმინისტრაციის წარმატებებზე, რომლებიც „გაცილებით მნიშვნელოვანია, ვიდრე ეპშტეინი“.
