„აუცილებლობამ მოიტანა, რომ გაიმართოს ქართული „ნიურნბერგის პროცესი”, სადაც კოლექტიური ნაც-მოძრაობის მიმართ მოხდება პოლიტიკურ-სამართლებრივი ვერდიქტის გამოტანა“, – ასე ეხმაურება „ხალხის ძალის“ წევრი ზურაბ ქადაგიზე „ნაციონალური მოძრაობის“ მიერ დღეს გავრცელებულ განცხადებას სოციალურ ქსელში.
„კოლექტიურმა ნაც-მოძრაობამ პოლიტიკა ნაძირალების თავშესაფრად გადააქცია და პარაზიტიზმი, რომლითაც დღევანდელი კვაზი-ოპოზიცია იკვებება, სულ უფრო და უფრო საზიანო ხდება საქართველოს სუვერენიტეტისა და ეროვნული ინტერესებისათვის. აუცილებლობამ მოიტანა, რომ გაიმართოს ქართული „ნიურნბერგის პროცესი”, სადაც კოლექტიური ნაც-მოძრაობის მიმართ მოხდება პოლიტიკურ-სამართლებრივი ვერდიქტის გამოტანა.
2024 წლის არჩევნები იძლევა უნიკალურ შანსს, სრულიად გადაიტვირთოს ქართული პოლიტიკა. პარაზიტიზმი, აგენტოკრატია და კვაზი-ოპოზიციონიზმი უნდა დასრულდეს. პროცესის დაწყების წინაპირობა, ეროვნული ინტერესების გარშემო გაერთიანება, არჩევნებში მაქსიმალური ჩართულობა და რაციონალური გადაწყვეტილების დაფიქსირებაა.
ყველაზე ძლიერი ბერკეტი უმაღლეს საკანონმდებლო ორგანოს აქვს და შესაბამისად, პარლამენტმა უნდა შექმნას მექანიზმი, რომელიც პოლიტიკურ, დეკლარირებულ დასკვნას გამოუტანს კოლექტიურ ნაც-მოძრაობას და შესაბამისად, დაიწყება სამართლებრივი შეფასება, თუ როგორ მავნებლობდნენ, პარაზიტობდნენ და როგორ ემსახურებოდნენ სხვა ქვეყნის ინტერესებს ხელისუფლებაში და შემდეგ ოპოზიციაში ყოფნისას!“, – წერს FACEBOOK-ზე ზურაბ ქადაგიძე.
