„მსგავსი შემთხვევები [მასობრივი სროლები] აშშ-ში ზედმეტად ხშირად ხდება. ვფიქრობ, ჩვენ ნამდვილად განვიცდით მენტალური ჯანმრთელობის კრიზისს. ჩვენ მსოფლიოს ნებისმიერ სხვა ქვეყანაზე მეტ ფსიქიკურ პრეპარატებს ვიღებთ“, — განაცხადა ჯეი დი ვენსმა ვისკონსინში გამოსვლისას და შეეხო სკოლაში გუშინ მომხდარი სროლის თემას, რომლის დროსაც ორი ბავშვი დაიღუპა.
ანალოგიური მოსაზრება გამოთქვა ჯანდაცვის მინისტრმა რობერტ კენედი უმცროსმაც. მან აღნიშნა, რომ ქვეყანაში ყოველთვის იყო ბევრი იარაღი, მაგრამ ასეთი ტრაგედიები, მისი თქმით, არ ხდებოდა. „რაღაცამ კარდინალურად შეცვალა ადამიანების ქცევა“, — თქვა კენედიმ და ხაზი გაუსვა, რომ ამერიკელები მსოფლიოში ყველაზე მეტ მედიკამენტს მოიხმარენ.
ამასთან, მინეაპოლისის პოლიციის უფროსმა ბრაიან ო’ჰარამ განაცხადა, რომ არ არსებობს ინფორმაცია იმის შესახებ, რომ 23 წლის მსროლელ რობერტ უესტმანს ფსიქიკური პრობლემები ჰქონდა დიაგნოსტირებული. ასევე, გაირკვა, რომ ის დანაშაულს წინასწარ გეგმავდა — ბოლო სამი თვის განმავლობაში უესტმანი ხშირად მიდიოდა დანაშაულის ადგილას და შიგნითაც შედიოდა, ცდილობდა რა ვითარებაში გარკვევას.
