სიმონ ვეილის პოლიტიკური ფილოსოფიის ცენტრის პრეზიდენტი, პოლ გრეინერი, რომელიც 2025 წლის ივნისში თბილისში გამართულ ფორუმზე „მშვიდობის როლი მდგრად სოციალურ-ეკონომიკურ განვითარებაში” იმყოფებოდა, სტატიას აქვეყნებს სათაურით “მშვიდობა და “ქართული ოცნება”.
გრეინერის განცხადებით, ქართველ ახალგაზრდებში იდეოლოგიური ენთუზიაზმი ქვეყნის პოლიტიკური ატმოსფეროს შემადგენელი ნაწილია და მათთვის სიტყვებს “ევროპა”, “დემოკრატია” და “ამერიკა”, ხშირად, ჯადოსნური შელოცვის ძალა აქვთ. როგორც ის წერს, ახალგაზრდების პოლიტიზება დიდწილად განპირობებულია 20 ათასი უცხოური არასამთავრობო ორგანიზაციის არსებობობით 3.7 მილიონიან ქვეყანაში.
“ისეთ სიტყვებს, როგორიცაა „ევროპა“, „დემოკრატია“ და „ამერიკა“, ხშირად ჰქონია ჯადოსნური შელოცვების ძალა, განსაკუთრებით უფროსკლასელ მოსწავლეებში, მაშინაც კი, თუ არც თუ იშვიათად, მათ უჭირდათ აეხსნათ, რას წარმოადგენს ეს სიტყვები.
ქართველ ახალგაზრდებში ასეთი იდეოლოგიური ენთუზიაზმი ის თემა იყო, რომელიც არაერთხელ წამოიჭრებოდა, როცა სერიოზულად ვესაუბრებოდი ქართველებს მათი ქვეყნის პოლიტიკურ ატმოსფეროზე. ზოგადი ვარაუდი, როგორც ჩანს, ის იყო, რომ ქართველი ახალგაზრდების ეს პოლიტიზაცია დიდწილად გამოწვეული იყო დაახლოებით 20 000 უცხოური არასამთავრობო ორგანიზაციის(!) არსებობით ქვეყანაში, სადაც მოსახლეობა მხოლოდ 3.7 მილიონს შეადგენს. ჩემი რამდენიმე თანამოსაუბრის თქმით, ამ არასამთავრობო ორგანიზაციებიდან ზოგიერთმა გაიარა ტრენინგი რიტორიკულ და „არაძალადობრივ“ პირდაპირი მოქმედების ტექნიკაში, რათა ჩაეტარებინათ „მშვიდობიანი რევოლუციები“ ცნობილი სერბული მოძრაობის OTPOR-ის მსგავსად.” – წერს პოლ გრეინერი.
