მედია: Netflix-ს რუსეთში სერიალ Stranger Things-ის ორი სასაქონლო ნიშნის რეგისტრაცია სურს

ამერიკულ სტრიმინგ სერვისს Netflix-ს რუსეთში სურს სერიალ Stranger Things-ის ორი სავაჭრო ნიშნის რეგისტრაცია. ინფორმაციას რუსული მედია ავრცელებს.

დოკუმენტების მიხედვით, განაცხადები უწყებაში მიმდინარე წლის მარტში შევიდა. განმცხადებლად მითითებულია კომპანია Netflix Studios.

თუ Stranger Things-ის სასაქონლო ნიშნების რეგისტრაცია წარმატებით დასრულდება, კომპანიას რუსეთში შეეძლება გაყიდოს მობილური ტელეფონების, კომპიუტერებისა და სხვა ტექნიკის აქსესუარები, ასევე, ბეჭდური და საკანცელარიო პროდუქცია, ტანსაცმელი, ფეხსაცმელი, სამკაულები, ვიდეოთამაშები, ასევე შესთავაზოს გასართობი მომსახურება.