გამოცემა The Wall Street Journal-ის ცნობით, Yahoo-ს ყოფილი თანამშრომელი, 56 წლის სტეინ-ერიკ სოლბერგი, განქორწინებისა და თვითმკვლელობის მცდელობის შემდეგ დედასთან ერთად ცხოვრობდა. სავარაუდოდ, OpenAI-ის ჩატბოტისგან ChatGPT, რომელსაც მამაკაცი „ბობის“ ეძახდა, მხარდაჭერას ითხოვდა.
თუმცა, The Wall Street Journal ამტკიცებს, რომ ხელოვნურმა ინტელექტმა მხოლოდ გაამძაფრა მამაკაცის პარანოიდული აზრები. ხელოვნური ინტელექტი ეთანხმებოდა, რომ სოლბერგის დედა შესაძლოა, საიდუმლო სამსახურებთან იყოს გარიგებული და პერიოდულად მის მოწამვლას ცდილობს.
მამაკაცისა და მისი 83 წლის დედის ცხედრები აშშ-ის სოფელ ოლდ-გრინვიჩში, მათსავე სახლში, აგვისტოს დასაწყისში იპოვეს. WSJ-ის ცნობით, მკვლელობამდე ცოტა ხნით ადრე, სოლბერგმა „ბობის“ ჰკითხა, შეხვდებოდნენ თუ არა ისინი სიკვდილის შემდეგ, რაზეც ხელოვნურმა ინტელექტმა დადებითი პასუხი გასცა.
გამოცემის ინფორმაციით, ეს პირველი დაფიქსირებული მკვლელობაა, რომლისკენაც ფსიქიკურად არასტაბილურ ადამიანს ხელოვნურმა ინტელექტმა უბიძგა. OpenAI-ში The Wall Street Journal-ს განუცხადეს, რომ „ღრმად არიან დამწუხრებული ამ ტრაგიკული მოვლენის გამო“ და კონტაქტზე არიან პოლიციასთან.
რამდდნიმე დღის წინ, აშშ-ში მოზარდმა სიცოცხლე სუიციდით დაასრულა. ოჯახის წევრები ასევე ფიქრობენ, რომ მას ხელი ChatGPT-მ შუწყო, რომელთან საუბარშიც ის დიდ დროს ატარებდა და დღეში 650-მდე მიმოწერა ჰქონდა.
