„ხალხის ძალის“ პოლიტიკური საბჭოს წევრებმა რუსთავის, მარნეულის და გარდაბნის საკრებულოებში „ხალხის ძალის“ ფრაქციის წევრებთან შეხვედრები გამართეს

„ხალხის ძალის“ პოლიტიკური საბჭოს წევრები რუსთავის, მარნეულის და გარდაბნის საკრებულოებში „ხალხის ძალის“ ფრაქციის წევრებს შეხვდნენ. მათთან ქვეყნის წინაშე არსებულ გამოწვევებზე და პარტიის ხედვებზე ისაუბრეს, ადგილობრივი წარმომადგენლებისგან კი ლოკალური საჭიროებების შესახებ მიიღეს ინფორმაცია.

შეხვედრებზე პარტიის გაძლიერების მიმართულებით გადასადგმელი ნაბიჯები და სამომავლო გეგმები დაისახა, ასევე, აღინიშნა, რომ მსგავსი შეხვედრები სხვა რეგიონებშიც გაიმართება.