ირანმა კვიპროსზე ბრიტანულ ბაზას დაარტყა

ირანმა კვიპროსის სამხრეთში მდებარე გაერთიანებული სამეფოს სამხედრო ბაზას დრონით შეუტია. ინფორმაცია კვიპროსის პრეზიდენტმა ნიკოს ქრისტოდულიდისმა დაადასტურა.

მან სოციალურ ქსელში X დაწერა, რომ „შაჰედის“ ტიპის უპილოტო საფრენი აპარატი დაეჯახა აკროტირის ბრიტანულ სამხედრო ობიექტებს, რამაც „მცირე მატერიალური ზიანი გამოიწვია“.

პრეზიდენტი აცხადებს, რომ „მუდმივ კონტაქტშია“ ევროპის ლიდერებთან და სხვა ქვეყნების წარმომადგენლებთან და დასძინა, რომ კვიპროსი „არ აპირებს იყოს რაიმე სამხედრო ოპერაციის ნაწილი“.

ეს განცხადება მოჰყვა ბრიტანეთის თავდაცვის სამინისტროს უახლეს ინფორმაციას, რომლის მიხედვითაც, ისინი აკროტირის ბაზიდან თანამშრომელთა ოჯახის წევრების ევაკუაციას ახორციელებენ.