ადრე ტურიზმი იყო ზეიმი. ახლა ტურიზმი არის ფაშიზმი. ადრე ბოჩელი, სტინგი, ხულიო და ენრიკე იგლესიასები, ახლა დიმა კალდუნი, საფონოვი, ტრიფონოვი და ა.შ.
მე კიდევ ციხეში მაკარგინებთ დროს…,-ამის შესახებ ექსპრეზიდენტი მიხეილ სააკაშვილი სოციალურ ქსელში წერს.
მისი თქმით, როდესაც მან რუსეთთან უვიზო მიმოსვლა შემოიღო, საუბარი იყო მაქსიმუმ, ასობით, ათასობით ადამიანზე, ახლა კი, მილიონობით შემოდიან.
„როცა ჩვენ რუსებისთვის შემოგვქონდა უვიზო მიმოსვლა, საუბარი იყო ასეულობით – მაქსიმუმ ათასობით ადამიანზე და ისინი იფილტრებოდნენ.
მაშინ საქართველოს საპატიმროებში ისხდნენ რუსი ჯაშუშები, ახლა შემოდის მილიონობით. ამათ 11 წელიწადში არ დაუკავებიათ არცერთი ჯაშუში.
საქართველოს როდესღაც საამაყო პოლიცია, რუსების ჩაფრებად აქციეს“,-წერს ყოფილი პრეზიდენტი.
Facebook Comments Box
