„მან წაიყვანა ადამიანები, რომლებიც ჩემთვის მუშაობდნენ. ვუთხარი: „ეს აღარასდროს გააკეთო“. მან ისევ გააკეთა. მე ის გავაგდე და ამით ყველაფერი დასრულდა“, — განუცხადა დონალდ ტრამპმა ჟურნალისტებს Air Force One-ის ბორტზე.
„მოტაცებულ“ თანამშრომელთა შორის, სავარაუდოდ, იყო ვირჯინია ჯუფრე — ეპშტეინის მთავარი ბრალმდებელი, რომელმაც რამდენიმე თვის წინ თავი მოიკლა. „მგონი, ის სპა-სალონში მუშაობდა. დიახ, მან მოიპარა იგი“, — აღიარა ტრამპმა და დასძინა, რომ მასთან ჯუფრეს „არანაირი პრეტენზია არ ჰქონია“.
ჯუფრეს მონათხრობით, ის ეპშტეინის თანამზრახველ გისლეინ მაქსველს 2000 წელს შეხვდა, როდესაც 16-17 წლის იყო. მაქსველმა გოგონას მასაჟისტის სამსახური შესთავაზა, მაგრამ ამის ნაცვლად სექსუალურ მონობაში ჩაითრია.
ეპშტეინის სახლში ეგრეთ წოდებული „გასაუბრება“ მრავალწლიან ძალადობაში გადაიზარდა. 2001 წელს ფინანსისტმა ვირჯინია ლონდონშიც კი ჩაიყვანა პრინც ენდრიუსთან შესახვედრად. ღამის კლუბში ვიზიტის შემდეგ მაქსველმა გოგონას პირდაპირ უთხრა, რომ მას „იგივე უნდა გაეკეთებინა ენდრიუსთვის, რასაც მე ჯეფრისთვის ვაკეთებ“.
