ორსული ნარკოკურიერი ბელა მეი კალი, რომელმაც ყოფილ საბჭოთა ციხეში ხუთი საშინელი თვე გაატარა, საბოლოოდ ბრიტანეთისკენ გაემგზავრა. ამის შესახებ ბრიტანული გამოცემა The Sun წერს.
სტატიაში ნატქვამია, რომ 19 წლის ბელა თბილისის აეროპორტში EasyJet-ის რეისზე რეგისტრაციისას შენიშნეს – მას ხელში ზუსტად იგივე კრემისფერი ჩემოდანი ეჭირა, რომლითაც 2025 წლის მაისში დააკავეს… მაშინ, როდესაც ქართველმა პოლიციელებმა მის ბარგში კანაფს მიაგნეს.
დაკავების შემდეგ პოლიციამ ბელას ჩემოდნის ფოტოები გამოაქვეყნა, შიგნით შავ ვაკუუმ-პაკეტებში შეფუთული £200,000 ფუნტის ღირებულების კანაფი აღმოჩნდა.
ბელამ სასამართლოს განუცხადა, რომ ტაილანდიდან სავსე ჩემოდნის გადატანა ნარკობანდამ აიძულა.
ბელა დღეს ლონდონის ლიუტონის აეროპორტში უნდა ჩაფრინდეს დედასთან, 44 წლის ლაიენ კენედისთან ერთად. დაღლილი დედა-შვილი რეგისტრაციაზე ბოლოს მივიდნენ – რეისის დახურვამდე მხოლოდ 10 წუთით ადრე.
ლაიენმა ჟურნალისტებს განუცხადა რომ “ბელა ისევ ძლიერი ემოციებით არის შეპყრობილი, თვალიც არ მოუხუჭავს და მათი მთავარი მიზანი სახლში, მის ძმასთან დაბრუნებაა“.
ამბობს, რომ ბელა ცდილობს ციხის კოშმარული დღეები დაივიწყოს და ახალი ცხოვრება დაიწყოს თავის ბიჭუნასთან ერთად, რომელიც შობას უნდა გაჩნდეს. ის აზიაში მოგზაურობის დროს დაორსულდა, სადაც ტაილანდურ ნარკობანდას გადაეყარა.
გოგონას დანაშაულის აღიარების შემდეგ, ქალთა მე-5 სასჯელაღსრულების დაწესებულებაში 18-თვიანი სასჯელის მოხდა ელოდა, თუმცა პროკურორებმა მის ადვოკატსა და გაოცებულ დედას განუცხადეს, რომ ჰუმანური მიზეზების გამო კალის დაუყოვნებლივ გაათავისუფლებდნენ.
ელა მეი კალის წარმომადგენლის თქმით, გოგონა ციხეში საშინელ პირობებში იმყოფებოდა “ოთახში, სადაც ტუალეტის ნაცვლად იატაკში ხვრელი იყო, მაკარონს ჩაიდანში ხარშავდა, პურს კი სანთელზე ხუხავდა”.
ბელას ქართველმა ადვოკატმა მალხაზ სალაყაიამ განაცხადა: “ძალიან უხარია, რომ ყველაფერი თავისუფლებით დასრულდა. დედა-შვილს წარმატებას უსურვებს”.
