რამდენიმე დღის წინ გავრცელებული ტყუილის გამო „ბიბისის“ დირექტორს და ახალი ამბების ხელმძღვანელს გადადგომა მოუწიათ…ახლა გამოაგდეს ახალი სიგიჟე, საქართველომ მომიტინგეების წინააღმდეგ ომისდროინდელი ქიმიური იარაღი გამოიყენაო, – წერს სოციალურ ქსელში საპარლამენტო უმრავლესობის ლიდერი, ფრაქცია „ქართული ოცნების“ თავმჯდომარე ირაკლი კირცხალია.
როგორც კირცხალია აღნიშნავს, ეყრდნობიან ჩახუნაშვილს, ხასაიას, გიგაურს, შაიშმელაშვილს და ა. შ., რასაც აგენტი რადიკალებიც სრული სერიოზულობით აზიარებენ სოციალურ ქსელებში.
„რამდენიმე დღის წინ გავრცელებული ტყუილის გამო ბიბისის დირექტორს და ახალი ამბების ხელმძღვანელს გადადგომა მოუწიათ… ახლა გამოაგდეს ახალი სიგიჟე, საქართველომ მომიტინგეების წინააღმდეგ ომისდროინდელი ქიმიური იარაღი გამოიყენაო და იცით ვის და რას “ეყრდნობიან”? – ჩახუნაშვილის, ხასაიას, გიგაურს, შაიშმელაშვილს და ა. შ.
ეს ჩვენი აგენტი რადიკალებიც სრული სერიოზულობით აზიარებენ სოციალურ ქსელებში. რა უქნეს და სად მიიყვანეს ეს ხალხი, ამითაც მარტივი მისახვედრია! ეს უკვე ტვინის გამორეცხვაც აღარ არის, ეს საზოგადოების მძიმე შეურაცხყოფაა და ამავდროულად კიდევ უფრო ნათლად აჩვენებს აგენტურისა და მათი პატრონების ქმედებების მასშტაბებს და აბსურდულობას“, – წერს იგი.
