„ამგვარად მივიღეთ „მორალური გეომეტრიის“ უცნაური ფორმულა: კატა უფრო სწრაფად ტოვებს გამოფენის სივრცეს, ვიდრე სტრატეგიული ტვირთი ტოვებს ნავსადგურს. სწორედ ამაშია გახრწნილი დასავლეთის ეპოქის ირონია, რომელიც უკვე იმდენად ყარს, რომ გადაუდებელ დეზინფიცირებას საჭიროებს,“ – წერს სოციალურ ქსელში პარტია „ხალხის ძალის“ წევრი დავით ქართველიშვილი.
მისი თქმით, კატების საერთაშორისო ფედერაციამ 2022 წელს მიიღო გადაწყვეტილება, რომ რუსეთში გამოყვანილი კატები, არ დაეშვათ საერთაშორისო გამოფენებზე. გამოფენიდან მოხსნილი კატა კი იქცა სანქციური ეპოქის სიმბოლოდ, იმაზე უფრო სწრაფად, ვიდრე რომელიმე სტრატეგიული სექტორი.
„დასავლური სანქციური პოლიტიკის ბოლო წლებმა შვა განსაკუთრებული ჟანრი – გეოპოლიტიკური აბსურდის თეატრი. სანქციების ერთ რიგში აღმოჩნდნენ რუსული კატები, რუსული არყის ხეები, რუსული „პარმეზანი“, თვით ჩაიკოვსკი და მისი შემოქმედებაც კი. საერთაშორისო გამოფენებზე აკრძალეს „რუსული ლურჯის“ ჯიშის კატების დაშვება; საკონცერტო დარბაზები XIX საუკუნის რუსული სიმფონიების გარეშე დატოვეს; სანერგეებში აკრძალეს რუსული არყის ნერგების შეტანა; დახლები, ზოგიერთი “რუსული” ყველის მიღმა დატოვეს და ა.შ. ლოგიკა თითქოს მარტივია: თუ დასჯაა, ტოტალური იყოს – კატებით დაწყებული, ჩაიკოვსკით დამთავრებული. ფისოების შემთხვევაში საქმე მკაცრად გაწერილ კონკრეტიკამდე მივიდა: FIFe (Fédération Internationale Féline) – კატების საერთაშორისო ფედერაციამ 2022 წელს მიიღო გადაწყვეტილება, რომ რუსეთში გამოყვანილი კატები (მათ შორის „Russian Blue“ ჯიშის), არ დაეშვათ საერთაშორისო გამოფენებზე.
გამოფენიდან მოხსნილი კატა მოულოდნელად იქცა სანქციური ეპოქის სიმბოლოდ, უფრო სწრაფად, ვიდრე რომელიმე სტრატეგიული სექტორი. და ამ ყველაფერს ადგილი აქვს სხვა, ბევრად უფრო „მიწიერ“ ნუსხასთან მიმართებით, რასაც ჯიუტად არ ასანქცირებენ, პრინციპიდან „ჭამა ხომ გვინდა“, „ზამთარში გვცივა“, „კონტრაქტები ხომ უკვე გაფორმებულია“, „მიწოდების ჯაჭვები კი რთულია“. ენერგორესურსები, ბირთვული საწვავი, იშვიათი მინერალები, სასუქები, კრიტიკული კომპონენტები, ამ ყველაფერს წლებია თან სდევს „გამონაკლისები“, შავი ხვრელები და იურიდიული „ლაზეიკები“. სიმფონიის ამოღება აფიშიდან მარტივია, ხოლო გაზის გრძელვადიანი კონტრაქტის გაწყვეტა – ნაკლებად. არყის ნერგის კულტივაციის შეჩერება შესაძლებელია, ატომური ელექტროსადგურის საწვავის კი, რთული. ამგვარად მივიღეთ „მორალური გეომეტრიის“ უცნაური ფორმულა: კატა უფრო სწრაფად ტოვებს გამოფენის სივრცეს, ვიდრე სტრატეგიული ტვირთი ტოვებს ნავსადგურს. სწორედ ამაშია გახრწნილი დასავლეთის ეპოქის ირონია, რომელიც უკვე იმდენად ყარს, რომ გადაუდებელ დეზინფიცირებას საჭიროებს,“ – წერს დავით ქართველიშვილი.
