ტელეკომპანია „პოსტივის“ მიერ მოპოვებული ინფორმაციით, დღეს, 19 ივლისს “მთავარ არხში” გამართულ თათბირზე, გიორგი გაბუნიამ თანამშრომლებს განუცხადა, რომ 20 ივლისს დაიფარება აპრილის დავალიანების 25%, ხოლო მიმდინარე თვის ბოლოს – ივლისის ხელფასის სრული ოდენობა.
ამასთან, აღსანიშნავია, რომ მაისისა და ივნისის სახელფასო დავალიანებებს ტელეკომპანია ეტაპობრივად გაისტუმრებს.
ტელეკომპანია “მთავარი არხის ” მენეჯმენტი დაპირებას იძლევა, რომ ჟურნალისტებს, რომლებსაც ძირითად შემთხვევაში, მენეჯმენტის პირადი პოლიტიკური ინტერესების შესაბამისად უწევთ მუშაობა, ამ კვირის ბოლოს ჩაურიცხავენ დაგვიანებული ხელფასების 25%-ს, ხოლო თვის ბოლოს 50% ან 100%-ს, თუმცა, როგორც “POSTV-ის“ განუცხადეს, რეპორტიორებს ხელფასების სრულად აღებასთან დაკავშირებით არხის მენეჯმენტის მიერ გაცემული პირობის არ სჯერათ.
