„რუსთავი 2-ს“ ახალი დირექტორი ჰყავს – „მედია ჰოლდინგის“ ახალ ხელმძღვანელად ბაკურ ბაკურაძე დაინიშნა

ტელეკომპანია „რუსთავი 2-ს“ ახალი დირექტორი ჰყავს. „მედია ჰოლდინგის“ ახალ ხელმძღვანელად რეჟისორი ბაკურ ბაკურაძე დაინიშნა.

ის თანამშრომლებს არხის ყოფილმა დირექტორმა, ვაკო ავალიანმა წარუდგინა, რომელიც საქმიანობას დიპლომატიურ სამსახურში გააგრძელებს.

ბაკურ ბაკურაძე წლების განმავლობაში თანამშრომლობდა ტელეკომპანია „იმედთან“ – იყო ერთ-ერთი წარმატებული პროექტის „ავტოგრაფის“ ავტორი.