შალვა პაპუაშვილი აცხადებს, რომ გიორგი ბაჩიაშვილი “თაღლითი” და “ჩვეულებრივი მაქინატორია” . პაპუაშვილის მტკიცებით, ბიზნესმენის სიტყვის მიმართ დამაჯერებლობა ძალიან დაბალია.
„სასამართლოს მიერ დადასტურებულია, რომ ადამიანი არის თაღლითი, რომელმაც მილიარდ დოლარზე მეტი მიისაკუთრა, შემდეგ მანქანა იყიდა, გადააკეთა, საბარგულში ჩაიმალა და საზღვარი ასე გადაკვეთა. არის ჩვეულებრივი მაქინატორი, თავადაც არ უნდა უკვირდეს, რომ მისი სიტყვის მიმართ დამაჯერებლობა ძალიან დაბალია.
საზოგადოება უყურებს და ხედავს, ვინ არის პიროვნულად, ქცევით და თავისი დანაშაულით დანარჩენს სასამართლო განიხილავს და დაადგენს“, – განაცხადა შალვა პაპუაშვილმა.
გიორგი ბაჩიაშვილი სასამართლოს პირველ ჩვენებას აძლევს. ის მოსამართლეთა კოლეგიას უყვება, რომ ბრალდება რომლის გამოც ციხეში გამოკეტეს აბსურდულია. მისი თქმით, ბიძინა ივანიშვილის ვალი არასდროს ჰქონია და მასთან არც საერთო ბიზნესს არ ფლობდა, ხოლო მისი დასჯა პოლიტიკური შეხედულების გამო ხდება.
