ნაციონალური მოძრაობის ერთ–ერთი ლიდერი, ანი წითლიძე აცხადებს, რომ იცის, რასაც აპირებს „ქართული ოცნება“.
„რადგან უკვე მიშამ დადო, ვიტყვი, რომ ეს ინფო ბოლო ორი კვირაა გვაქვს.
ვიცით, რასაც აპირებენ ქოცები ჩვენს წინააღმდეგ. სამიზნე ყველა ვართ, მაგრამ გამორჩეულად ხაბე.
ქოცებს ეშინიათ წინააღმდეგობის, ეშინიათ პროტესტის, ეშინიათ მხილების. სწორია, რომ ეშინიათ. ჩვენ იარაღი არის სიტყვა და მშვიდობიანი წინააღმდეგობა. გამარჯვების გზა არის რეჟიმთან არ თანამაშრომლობა და ქუჩის მრავალათასიანი პროტესტი.
ასე გავაგრძელებთ ქოცების და ნაქოცრების დასრულებამდე. რეჟიმი უნდა დაინგრეს!
ცნობისთვის, საქართველოს ექსპრეზიდენტმა მიხეილ სააკაშვილმა სოციალურ ქსელში გამოაქვეყნა განცხადება, რომლის თანახმადაც, სუსი აპირებს ახალ დიდ პროვოკაციას – ნაციონალური მოძრაობის, განსაკუთრებით ლევან ხაბეიშვილის დადანაშაულებას შეიარაღებული გადატრიალების მცდელობაში, ლიდერშიფის დიდი ნაწილის დაპატიმრებას და ბრალის წაყენებას სახელმწიფო გადატრიალებისთვის.
„ამისთვის გამოიყენებს ფალსიფიკაციის თანამედროვე მეთოდებს. კატეგორიულად ვაცხადებ, რომ მეც და ჩემი თანამებრძოლებიც კატეგორიულად უარვყოფთ ყველანაირ ძალადობრივ ქმედებებს. ჩვენი ამოცანაა მაქსიმალურად ფართო საპროტესტო ფრონტის შექმნა და შემტევითი, ოღონდ მშვიდობიანი ქმედებებით ხელისუფლების შეცვლა. ყველა, ვინც სხვა რამეს ქადაგებს, ან ივანიშვილის მოგზავნილია, ან – უბრალოდ პროვოკატორი”,-დაწერა სააკაშვილმა.
